Sopo 1:3 - Tosi Tapu

³ Na maua e ia ni ovi fafine e fitu afe, mo ni kamelo e afe, mo ni soa pipi tagata e kau lelau lima, mo ni asino fafine e kau lelau lima, ti mo ni tagata fakasausau toka api. Ti na mauiga toka tasi le tagata lena i tagata fuli o le potu Esite.

Sopo 1:3 ပူးပေါင်းရင်းမြစ်များ

Senesi 12:16

Na agamalie loa Falaone kia Apalamo o tupu ko le fafine ; ti na soli loa e Falaone kia Apalamo ni ovi, mo ni pipi, mo ni asino, mo ni tagata fakasausau, mo ni fafine fakasausau, mo ni asino fafine, ti mo ni kamelo.

Senesi 12:5

Na ave loa e Apalamo lana avaga ko Salai, mo Lote, le vosa o lona taina, ti mo nea fuli ala na lotou maua, ti mo tagata fakasausau ala na lotou maua i Salani. Na lotou mavae loa o ano ki le fenua o Kanaane. Ti na lotou tau loa ki le fenua o Kanaane.

Senesi 13:6

Ti na leaise feauga le fenua ke la nofo fakatasi i ai, talie kua lasi ai ola koloa, ti na leaise koi feala ke la nonofo fakatasi.

Senesi 24:35

Kua tapuaki lasi ai le Eteleno ki loku aliki, ti kua liliu a ia o makeke. Na soli e le Eteleno kiate ia ni kau ovi mo ni kau pipi, mo se siliva ti mo se aulo, mo ni kau tagata fakasausau ti mo ni kau fafine fakasausau, mo ni kau kamelo ti mo ni kau asino.

Senesi 25:6

Kae na fai loa e ia ni nea alofa ki vosa o ana tinifu ; i lona koi mauli na kakau loa e ia latou ke lotou ano ki le fenua o le potu Esite, ke mamao mei lona vosa ko Isaake.

Senesi 29:1

Na soko atu loa e Sakopo lona fanoga, ti na ano loa a ia ki le fenua o vosa o le potu Esite.

Senesi 32:14

Ko koti fafine e kau lelau lua, mo koti tagata e kau lua, mo ovi fafine e kau lelau lua, mo ovi tagata e kau lua,

Senesi 34:23

Kapau e tou tali loa le nea leia e lotou loto ki ai, ti e lotou au loa o nonofo mo tatou ; ti e liliu loa alatou kau manu, mo olatou koloa ko akoutou nea.

Lua tosi a Samuele 12:2

Na lasi ai a kau ovi mo kau pipi a le tagata mou koloa.

Uluaki tosi o Sau 4:30

Na lasi ake le poto o Salomone i le poto o vosa fuli o le esite ti mo le poto katoa o le kau Esipito.

Lua tosi o Sau 15:20

Na tae loa e Menaemi le paaga lena ia latou fuli o Iselaele ala na mou koloa, ke soli a ia ki le sau o Asilia ; na fakamaua e ia ke soli e le tagata taki toka tasi ni fa sikele paaga e kau lima. Na toe liliu loa le sau o Asilia, ti na leaise nofo loa a ia i le fenua.

Lua tosi o Sau 3:4

Na maua e Mesa, sau o Moape, ni kau manu, ti na tuku e ia ki le sau o Iselaele se tukusau ko akeno e kau lelau afe mo ovi tagata e kau lelau afe ti mo olatou fului ovi.

Uluaki tosi o Koloniko 27:30

na pule Opile, i le faasiga o Isemaele, ki kamelo ; na pule Seketia, mei Melonote, ki asino ;

Lua tosi o Koloniko 26:10

Na fakatuu loa e ia ni tule i le toafa, ti na kenu loa e ia ni sosoni mauke, talie na maua e ia ni kau manu lasi i vaivailiua mo le laumalie o le fenua, mo ni kau tagata gaoi kele mo gaoi vite i mauga o Kalemelo, talie na fia fai a ia ki le gaoi kele.

Lua tosi o Koloniko 32:29

Na laga loa e ia ni kolo, ti na maua loa e ia o lasi ai ni kau manu lalasi mo ni kau manu liliki ; talie na soli loa e le Atua kiate ia ni koloa lasi ai.

Sopo 1:10

Pe leaise tupu ko lau puipui a ia, mo lona famili, ti mo ana nea fuli ? Kua ke fakamanuia le gaoi o ona lima, ti kua uufi e ana kau manu le fenua.

Sopo 1:4

Na tau ano ona vosa ki le kaiga o leia mo leia ia latou, o fai i ai se kai. Ti na lotou fakaafe olatou tuagaane e toka tolu ke kai mo inu mo latou.

Sopo 21:28

E kotou pati : Kofea le fale o le tagata makeke ? Kofea le falela o le tagata agaveli ?

Sopo 29:25

Na kau fia ano tuumau kia latou, ti na kau tonatona i olatou mua ; Na kau faipe se sau i loto malie o se fa solia, Pe se tagata fakafimalie i tafa o latou ala na mamae.

Sopo 31:25

Kapau na kau fiafia i le lasi o oku koloa, I le lasi o koloa kesekese ala na kau maua i laku gaoi ;

Sopo 31:37

E kau fakasa loa kiate ia oku lakaaga fuli, E kau fakafeofi loa kiate ia ofaipe se tama aliki.

Sopo 42:10

Na toe fakanofo loa e le Eteleno a Sopo ki lona mauli i mua, i le oki o lana faikole ki ona kaukaunea ; ti na toe soli loa e le Eteleno kia Sopo a nea fuli ala na maua e ia i mua o liuga lua.

Sopo 42:12

I le lolotoga o fetuu fakaoki ana, na maua loa e Sopo mei le Eteleno ni tapuakina o lasi ake i tapuakina ala na maua e ia i mua. Na maua loa e ia se kau ovi fafine e kau agafulu tupu fa afe, mo se kau kamelo e afe ono, mo ni soa pipi tagata e afe, ti mo se kau asino fafine e afe.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Selemia 49:28

Ki Ketale mo puleaga o Atesoa, ala na tamate e Nepukatenesale, sau o Papilone. E folafola le Eteleno, o pati : Kotou tutuu ki aluga, kotou pale ki Ketale, Ti kotou maumaui a vosa o le potu esite !

Numelo 23:7

Na fai loa e Palaame lana folafola fakatata, o pati : Na fakaifo mai au e Palake mei Alame, Na fakaifo mai au e le sau o Moape mei mauga o Silia. Au, o fakamalaia Sakopo ! Au, o ita ki Iselaele !

Tuifakamaau 6:3

I temi ala na to ai loa e fanau a Iselaele olatou faisaga, na pale ake loa Matiane, mo Amaleke ti mo ni kakai o le toafa, o taui Iselaele.

Tuifakamaau 6:5

Talie na lotou pale loa mo alatou kau manu ti mo olatou falela, na lotou ano ofaipe se ao seseivaka, na lotou api lasi ai, latou mo olatou kamelo, ti na lotou au loa ki le fenua ke maumaui a ia.

Tuifakamaau 7:12

Na mafola loa Matiane, mo Amaleke, ti mo le kakai o le Esite i le vaivailiua, ofaipe se ao seseivaka i lolatou api, ti na lasi olatou kamelo ofaipe le one o le mata tai.

Tuifakamaau 8:10

Na nofo loa a Sepaki mo Salamuna i Kalekoli ti mo lola kau solia, ko tagata e tino agafulu tupu lima afe, latou fuli ala na toe i le solia katoa o vosa o le Esite ; talie kua tamate le tino lelau tino lua afe ala na tosoi ia le seleta.

Uluaki tosi a Samuele 25:2

Na i ai se tagata i Maoni, kae na tuu lona tofiga i Kalemelo, ko se tagata mauiga mo mou koloa : na maua e ia ni ovi e tolu afe mo ni koti e afe, ti na nofo a ia i Kalemelo ki le koti o lana kau ovi.

Uluaki tosi a Samuele 27:9

Na maumaui e Tavite a potu fenua ana ; na leaise tuku fua e ia ke mauli se tagata pe ko se fafine, ti na too e ia a ovi, mo pipi, mo asino, mo kamelo, mo nea lava, ti na toe liliu a ia o ano kia Akise.