Sopo 1:21 - Tosi Tapu

²¹ O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Sopo 1:21 ပူးပေါင်းရင်းမြစ်များ

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Senesi 30:2

Na ita loa Sakopo kia Lasele, o pati : Pe ko le Atua au, leia na tapono ia a koe ke aua na ke fanaunau ?

Senesi 45:5

I le aso nei, aua na kotou mamae, ti aua na kotou ita i lakoutou fakatau au. Ko le Atua leia na kakau ia au i okoutou mua ke kau au ki le fenua leinei, ke saofaki ai lokoutou mauli.

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Uluaki tosi o Sau 12:15

Koia na leaise fakalogo loa le sau ki le kakai ; talie na fakataga loa e le Eteleno le nea lena, ke fakasoko ai le folafola leia na fai e le Eteleno i le gutu o Akisa mei Silo kia Selopoamo, vosa o Nepate.

Lua tosi o Sau 20:19

Na tali loa Esekiasi kia Esaia : E malie le folafola a le Eteleno, leia na ke fakasa. Ti na toe pati loa a ia : Pe leaise maua loa le tokamalie mo le malolo i le lolotoga o loku mauli ?

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Sopo 1:11

Kae ke falo lou lima, o taai ana nea fuli, ti e kau iloa papau, e lauveli loa a ia kiate koe.

Sopo 2:10

Kae na tali loa a Sopo kiate ia : E ke masau ofaipe se fafine valea. Io ! e tou tali mei le Atua le malie, ti kolea e leaise tou tali ai foki le veli ! I nea fuli ana, na leaise agasala fua a Sopo i ona laugutu.

Sopo 9:12

Kapau e too e ia, ko ai e fakafesagai loa kiate ia ? Ko ai e pati loa kiate ia : Kolea e ke fai ?

Pesalemo 34:1

Pesalemo a Tavite. I lana fakatautau le tagata valea i mua o Apimeleke, ti mo lona kapu e Apimeleke, o ano ai.

Pesalemo 34:2

E kau fakafetai loa ki le Eteleno i temi fuli ; E tuu mau loa lona fakavikiviki i loku gutu.

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Pesalemo 49:17

Ke aua na ke i o tupu e mou koloa se tagata, Pe tupu o lasi a koloa o lona fale,

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Ekelesiasi 5:14

Ofaipe lana vilo telefua mei le manava o lona tinana, e toe liliu telefua loa a ia ki le ganea na au mei ai, ti e leaise too loa e ia i lona lima se nea fua e tasi o lana gaoi.

Ekelesiasi 5:15

Ko se tasi foki lena nea veli lasi. E ano a ia ofaipe lana au ; ti kolea le malie kiate ia o lana gaoi ki le matagi ?

Ekelesiasi 5:19

Ti e galoi loa e le tagata lena le toetoe o lona mauli, talie e fakaapele e le Atua lona loto ki le fiafia.

Esaia 24:15

Koia ke kotou fakakololia ki le Eteleno i ganea fuli ala e mu ai le malama, Io, ki le suafa o le Eteleno, le Atua o Iselaele, i atu motu o le tai !

Esaia 42:24

Ko ai na tuku ia Sakopo ke kaia, Ti na tuku ia Iselaele ki le kau kaia ? Pe leaise ko le Eteleno ? Na motou agasala kiate ia. Na leaise lotou fia saele i ona ala, Ti na leaise lotou fia fakalogo ki lana lao.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Tagi laulau a Selemia 3:38

Pe leaise ko le finegalo o le Taualuga leia e soko ai A nea veveli mo nea malilie ?

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Mateo 20:15

Pe se taga kiate au ke kau fai ki loku koloa o mulimuli ki le nea leia e kau loto ki ai ? Pe ke tio fakaveli ki loku agamalie ?

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Efeso 5:20

Kotou fakafetai tuumau ki le Atua le Tamana i nea fuli, i le suafa o lotatou Aliki ko Sesu-Kilisito.

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.

Uluaki tosi kia Timoteo 6:7

talie na leaise tou aumai ia se nea ki le malama nei, ti e tou iloa fakapapau e leaise feala ke tou toe ave ia se nea ;

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.

Lute 1:21

Na kau mou koloa i laku mavae i leinei, ti kua fakaliliu mai au e le Eteleno mo lima ata. Kolea e kotou fakaigoa ai loa au ko Naomi, kae kua tiaki au e le Eteleno, ti kua fakamamaei au e le Mafimafi ?

Uluaki tosi a Samuele 2:7

E fakamativa ti e fakamoukoloa e le Eteleno, E tuku e ia ki lalo ti e siki e ia ki aluga.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.

Uluaki tosi a Samuele 3:18

Na fakamatala loa e Samuele kia Eli a nea fuli, o leaise fufu e ia se nea fua e tasi. Ti na pati loa a Eli : Ko le Eteleno a ia, ke fai e ia le nea leia e malie kiate ia !