Sopo 1:12 - Tosi Tapu

¹² Ti na pati loa le Eteleno kia Satana : Ko leinei, kua kau tuku atu a nea fuli a Sopo kiate koe ; kae aua fua na fafa lou lima kiate ia. Ti na mavae loa Satana mei le agaiaga o le Eteleno.

Sopo 1:12 ပူးပေါင်းရင်းမြစ်များ

Senesi 16:6

Na tali loa Apalamo kia Salai : Ko leinei, e ke pule ki lau fafine fakasausau, ke ke fai kiate ia le nea leia e ke malie ia. Ti na fakavelivelii loa a ia e Salai ; ti na sola loa Akale o mamao meiate ia.

Uluaki tosi o Sau 22:22

Na tali loa a ia : E kau ano loa, ti e kau liliu loa ko se laumalie o le loi i gutu o lana kau polofeta fuli. Na pati loa le Eteleno : Ke ke fakalotoi loa a ia, talie e ke malo loa iate ia ; ano, ti ke fai fenaaki !

Uluaki tosi o Sau 22:23

I le lakaga nei, ko leinei, kua tuku e le Eteleno se laumalie o le loi ki gutu o au polofeta fuli ala e nonofo i lena. Ti kua fakasa e le Eteleno se nea veli kiate koe.

Lua tosi o Koloniko 18:21

Na pati loa le Eteleno kiate ia : ki lea ? Na tali loa a ia : E kau ano loa ti e kau liliu loa ko se laumalie loi i gutu o lana kau polofeta katoa. Na pati loa le Eteleno : E ke fakasalai loa a ia, ti e ke malo loa ; ano ti ke fai fenaaki.

Sopo 1:11

Kae ke falo lou lima, o taai ana nea fuli, ti e kau iloa papau, e lauveli loa a ia kiate koe.

Sopo 1:13

I se aso leia na kai ai mo inu vino ai a vosa mo taineliki o Sopo i le fale o lolatou taina uluaki,

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Selemia 38:5

Ti na tali loa le sau ko Setesiasi : Ko leinei kua tuku atu a ia ki okoutou lima ; talie e leaise mafai e le sau se nea kia koutou.

Luka 12:23

Talie e mauiga ake le mauli i le nea kai, ti e mauiga ake le tino i le nea lava.

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.