Sonasi 4:8 - Tosi Tapu

⁸ I le sopo ake o le laa, na fakaagi loa e le Atua se matagi vevela mei le esite, ti na tutu loa e le laa le fa ulu o Sonasi, o fakapouli ai ona mata. Ti na kole loa e ia le mate, o pati : E malie ake le mate kiate au i le mauli.

Sonasi 4:8 ပူးပေါင်းရင်းမြစ်များ

Senesi 41:6

Ti ko ni iki ake taulu fulumeto e fitu, ala na paao mo masunu i le matagi o le potu esite, na somo ake loa i olatou muli.

Uluaki tosi o Sau 19:4

Kae ko ia, na ano loa a ia ki le toafa. I le oki o lana saele i le aso katoa, na tonatona loa a ia i lalo o se ga laakau ko le senete, ti na kole loa e ia le mate, o pati : Kua feauga ! Ei Eteleno, too atu nei loku mauli, talie e leaise kau malie ake i oku tamana.

Uluaki tosi o Sau 21:4

Na ulu loa Akapo ki lona fale kua mafaia mo mamae, o tupu ko le masau leinei na fai kiate ia e Napote mei Siseleele : E leaise kau soli loa kiate koe le tofiga o oku tamana ! Ti na moe loa Akapo i lona palepale, o agaaga ki le paa, ti na leaise kai loa a ia.

Sopo 2:10

Kae na tali loa a Sopo kiate ia : E ke masau ofaipe se fafine valea. Io ! e tou tali mei le Atua le malie, ti kolea e leaise tou tali ai foki le veli ! I nea fuli ana, na leaise agasala fua a Sopo i ona laugutu.

Sopo 7:15

Oiau, e kau loto ke kukumi loku ua ! E malie ake kiate au le mate i ivi anei.

Pesalemo 121:6

I le lolotoga o le ao e leaise taai loa a koe e le laa, Pe ko le masina i le lolotoga o le pouli.

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Katiko o Katiko 1:6

Aua na kotou tokaga ki loku kili uli : Ko le laa leia na susunu ia au. Na ita a vosa o loku tinana kiate au, Ti na lotou fakanofo au ke taupau ki vite. Ko laku vite a aku, na leaise kau taupau a ia.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Sonasi 1:4

Kae na fakaagi loa e le Eteleno se matagi makeke ki le tai, ti na malaga loa i le tai se afa lasi. Ti na sakinake le vaka ka goto.

Sonasi 4:3

I le aso nei, Eteleno, ke ke too la loku mauli iate au, talie e malie ake le mate kiate au i le mauli.

Sonasi 4:9

Kae na pati loa le Atua kia Sonasi : Pe malie koia lau itaita o tupu ko le lisega ? Na tali loa a ia : E tonu loku itaita o kaku ki le mate.

Mateo 20:12

o pati : Ko latou ala na muli na gaoi fai i le ola e tasi, ti na ke fakatatau latou mo matou, ala na tali ia le mafaia o le aso mo le vevela.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.

Apokalipisi 7:16

E leaise lotou toe fia kai loa, pe toe fia inu loa ; e leaise toe susunu loa latou e le laa pe ko se tasi ake vevela.

Uluaki tosi a Samuele 3:18

Na fakamatala loa e Samuele kia Eli a nea fuli, o leaise fufu e ia se nea fua e tasi. Ti na pati loa a Eli : Ko le Eteleno a ia, ke fai e ia le nea leia e malie kiate ia !