Sonasi 4:5 - Tosi Tapu

⁵ Ti na mavae loa Sonasi mei le kolo, ti na tonatona loa a ia i le potu esite o le kolo. I ai na fakatuu loa e ia se ga falepola kiate ia, ti na fakamalumalu loa a ia i loto, o talitali ke tio ki le nea leia ka soko loa ki le kolo.

Sonasi 4:5 ပူးပေါင်းရင်းမြစ်များ

Uluaki tosi o Sau 19:13

I le logo loa a Elia ki ai, na puloui loa e ia ona mata ki lona taupulupulu, ti na ulu loa a ia ki fafo, o tuu i mua o le ana. Ti ko leinei, na fakasa loa e se leo kiate ia a folafola anei : Kolea e ke fai i leinei, Elia ?

Uluaki tosi o Sau 19:9

I ai, na ulu loa a ia ki le ana, ti na moe loa a ia i ai i le pouli. Ti ko leinei, na tuku loa le folafola a le Eteleno kiate ia, o pati : Kolea e ke fai i leinei, Elia ?

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Sonasi 1:5

Ti na i lasi ai le kau vaka, ti na lotou tasi tagi loa ki lona atua, ti na lotou laku loa ki le tai a nea ala na tuku i le vaka, o tupu ke fakamaamaa a ia. Na ifo loa Sonasi ki le takele o le vaka, ti na moemate loa a ia.

Sonasi 4:4

Ti na tali loa le Eteleno : Pe malie koia lau ita ?

Sonasi 4:6

Ti na fakasomo ake loa e le Eteleno Atua se lisega, leia na malaga loa i aluga o Sonasi, o fakamalumalu lona ulu mo too ia lona itaita. Ti na fiafia lasi loa Sonasi o tupu ko le lisega lena.