Sonasi 4:11 - Tosi Tapu

¹¹ Ti ko au, pe leaise kau alofa loa ki Ninive, le kolo lasi, leia e mauli ai ni tagata e tino lelau tino lua afe tupu, ala e leaise iloa ia fua lolatou lima atamai mei lolatou lima sema, ti mo ni manu lasi ai !

Sonasi 4:11 ပူးပေါင်းရင်းမြစ်များ

Senesi 9:10

ti mo nea fuli ala e mauuli i okoutou tafa : tatau a manu lele, mo manu lalata, mo manu fuli o le vao, mo manu fuli ala na mavae mei le aleka, ti mo manu fuli ala e mauli loa ki muli i aluga o le kele.

Pesalemo 104:14

E fakasomo e ia le mutie ki manu lalasi, Ti mo magiti ki le mauli o le tagata, O tupu ke fakatupu e le kele le nea kai,

Pesalemo 36:6

Eteleno ! E kaku lou agamalie ki le atu lagi, Lou agatonu ki atu ao.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 37:37

Ti na tuu loa Sanekelipe, sau o Asilia, mo lana solia, o toe liliu ; ti na nofo loa a ia i Ninive.

Esaia 7:16

Kae i mua o le iloa e le toe ke tiaki le nea e veli ti ke filifili le nea e malie, E tiaki loa le fenua leia e ke tuania ia ona sau e lua.

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sonasi 4:10

Ti na pati loa le Eteleno : E ke alofa ki le lisega leia na leaise ke pakia fua ki ai, ti na leaise ke fakasomo ia, leia na tupu i se po e tasi ti na mate i se po e tasi.

Mateo 18:33

pe na se tonu foki ke ke alofa ki lou kaukau nea, ofaipe loku alofa kiate koe ?

Tetelonome 1:39

Ti ko okoutou fanau liliki, ala na kotou pati ki ai : E lotou liliu loa ko le koloa o le fili malo ! Io, ko okoutou vosa, ala na leaise iloa ia le nea leia e malie mo le nea leia e veli i le aso lena, ko latou loa ala e ulu loa ki le fenua mo Sosue.