Sonasi 3:5 - Tosi Tapu

⁵ Ti na tui loa le kakai o Ninive ki le Atua, ti na lotou fakasa loa se sesunio, ti na lotou kofu loa ni taga, mei le kau lalasi o kaku kia latou ala e liliki oki.

Sonasi 3:5 ပူးပေါင်းရင်းမြစ်များ

Lua tosi o Sau 19:1

I le logo loa a le sau ko Esekiasi ki nea ana, na sae loa e ia ona teu, ti na tui loa e ia se taga, o ano ki le fale o le Eteleno.

Lua tosi o Koloniko 20:3

I le i o Sosafate, na loto loa a ia ke afa le Eteleno, ti na fakatotonu loa e ia ke fai se sesunio i Suta katoa.

Esetalasi 8:21

I le ganea lena, i le kauvai o le vaitafe ko Aava, na kau fakatotonu loa se sesunio fakamamae i mua o lomatou Atua, o tupu ke kole kiate ia ke puipui lomatou fanoga, mo amatou fanau, ti mo amatou nea fuli.

Esitele 4:1

I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Ekesote 33:6

Na tatala loa e fanau a Iselaele olatou nea fakateuteu, ti na lotou fakamamao loa mei le mauga o Olepe.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 36:9

I le fetuu lima o le sau o Sosakimi, vosa o Sosiasi, sau o Suta, i le masina iva, na fakatotonu loa se sesunio i mua o le Eteleno ki le kakai katoa o Selusalemi mo le kakai katoa leia na au mei kolo o Suta ki Selusalemi.

Selemia 42:1

Ti na fakafeofi ake loa a kau pule solia fuli, mo Sokanane, vosa o Kalease, mo Sesania, vosa o Ose, mo le kakai katoa, mei leia e ikiiki o kaku ki leia e lasi,

Selemia 42:8

Ti na kalagai loa e Selemia a Sokanane, vosa o Kalease, mo kau pule solia fuli ala na nonofo mo ia, mo le kakai katoa, mei leia e ikiiki ki leia e lasi.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Sonasi 3:7

Ti na fakatotonu loa e ia ke logologo mo fakasa i Ninive le nea leinei kua fono e le sau mo lana kau lalasi : Aua na asiasii se nea kai, pe kai se luna, pe inu se vai, e tagata mo manu, mo pipi, mo ovi !

Mateo 12:41

E tutuu ake loa ki aluga a tagata o Ninive, i le aso o le fakamaau, mo le tautupu leinei, ti e fakatua loa e tagata o Ninive le tautupu leinei, talie na lotou fakasemala i le akonaki a Sonasi ; ti ko leinei, e i ai se tasi i leinei e lasi ake ia Sonasi.

Luka 11:32

E tutuu ake loa ki aluga a tagata o Ninive i le aso o le fakamaau mo le tautupu nei, ti e lotou fakalakasala loa latou, talie na lotou fakasemala loa i le akonaki a Sonasi ; kae e i ai se tasi i leinei leia e lasi ake ia Sonasi.

Gaoi 27:25

Koia ei kau tagata, ke kotou loto makeke talie e kau tui ki le Atua, e soko loa ofaipe lona fakasa mai kiate au.

Gaoi 8:10

Ti na lotou tokaga fuli kiate ia, mei leia e ikiiki oki o kaku ki leia e lasi oki, o pati : Ko ia leinei ko le makeke lasi a ia o le Atua.

Epelo 11:1

Io, ko le tui ko se iloa papau o nea ala e amanaki ki ai, ko se fakamaoki o nea ala e leaise tio ki ai.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.