Sonasi 3:10 - Tosi Tapu

¹⁰ Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sonasi 3:10 ပူးပေါင်းရင်းမြစ်များ

Uluaki tosi o Koloniko 21:15

Na kakau loa e le Atua se aselo ki Selusalemi ke maumaui a ia ; kae i lana lolotoga maumaui a ia, na tio loa le Eteleno ti na fakasemala loa a ia ki le veli lena, ti na pati loa a ia ki le aselo leia na fai ia le maumau : Kua feauga ! Taofi lou lima. Na tuu le aselo a le Eteleno o ofi ki le faisaga a Alavana, le tagata Sepusi.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Selemia 18:7

E fokifa e kau masau, ki se kakai, ki se puleaga, Ke taaki, ke tuuti ti ke maumaui.

Selemia 18:8

Kae kapau e tafoki mai mei lana agaveli le puleaga lena na kau masau ki ai, E kau fakasemala loa ki le veli leia na kau manatu ke fai kiate ia.

Selemia 36:3

I le aso leia e logo ai loa le fale o Suta ki le veli katoa leia e kau manatu ke fai kiate ia, e lagi lotou toe liliu taki toka tasi mai loa mei lona ala veli ; ti e kau fakamolemole loa ki alatou agaveli mo alatou agasala.

Selemia 42:10

Kapau e kotou nonofo i le fenua leinei, e kau fakanonofo oki loa koutou i ai, ti e leaise kau maumaui loa koutou, kae kau to loa koutou, ti e leaise kau toe taaki loa koutou ; talie kua kau fakasemala ki le veli leia na kau fai kia koutou.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Amosi 7:3

Ti na fakasemala loa le Eteleno ki le nea lena. Ti na pati le Eteleno : E leaise soko loa le nea lena.

Amosi 7:6

Ti na fakasemala loa le Eteleno ki le nea lena. Ti na pati loa le Aliki, le Eteleno : E leaise soko loa le nea lena ?

Sonasi 4:11

Ti ko au, pe leaise kau alofa loa ki Ninive, le kolo lasi, leia e mauli ai ni tagata e tino lelau tino lua afe tupu, ala e leaise iloa ia fua lolatou lima atamai mei lolatou lima sema, ti mo ni manu lasi ai !

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Luka 11:32

E tutuu ake loa ki aluga a tagata o Ninive i le aso o le fakamaau mo le tautupu nei, ti e lotou fakalakasala loa latou, talie na lotou fakasemala loa i le akonaki a Sonasi ; kae e i ai se tasi i leinei leia e lasi ake ia Sonasi.

Luka 15:20

Ti na tuu loa a ia ki aluga, ti na ano loa a ia ki lona tamana. Koi natu a ia i mamao, kae kua tio mai lona tamana kiate ia, ti na manavaalofa loa a ia, ti na makape loa a ia, o fui lona vosa ki ona lima, ti mo sogi kiate ia.