Sonasi 2:8 - Tosi Tapu

⁸ I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Sonasi 2:8 ပူးပေါင်းရင်းမြစ်များ

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Pesalemo 142:4

Ka mamae loku laumalie i loku loto, Ko koe, e ke iloa loku ala. I le ala leia e kau saele ai Na lotou fai se masele kiate au.

Pesalemo 31:6

E kau tuku loku laumalie ki ou lima ; E ke saofaki loa au, Eteleno, Atua o le maoki !

Pesalemo 69:14

Kae ko au, ei Eteleno, e kau fai kiate koe laku kole ! Ei Atua, ko le temi faigamalie leinei ke ke fakalogo mai kiate au, i lou agamalie lasi ! Ke ke fakamaoki mai kiate au lau tokoi !

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Mikea 1:2

Kotou fakalogo, koutou fuli, atu kakai ! Tokaga, kele, mo nea fuli iate koe ! Ke fakamaoki kia koutou le Aliki, le Eteleno, Le Aliki leia e nofo i le fale sau o lona maokioki !

Uluaki tosi a Samuele 12:21

Aua na kotou maliu kese loa meiate ia ; talie na kotou muli loa i ni nea noa, ala e leaise aoga, ti e leaise saofaki ia, talie ko nea noa.