Sonasi 2:7 - Tosi Tapu

⁷ Na kau ifo o kaku ki fakatafito o mauga, Na tapono au e matapa ukamea o le kele o lee gato ; Kae na ke toe fakapale mauli ake au mei le popoko, Eteleno, loku Atua !

Sonasi 2:7 ပူးပေါင်းရင်းမြစ်များ

Lua tosi o Koloniko 30:27

Na tutuu ake loa le kau tagata faisakilifisio mo le kau Levi o tapuaki ki le kakai ; ti na logo loa ki olatou leo, ti na kaku loa lalatou faikole ki le lagi, ki le nofoaga taputapu o le Eteleno.

Pesalemo 11:4

E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

Pesalemo 142:3

E kau liligi laku tagi i ona mua, E kau fakamatala loku mamae kiate ia.

Pesalemo 143:5

E kau manatu ki aso o le temi mua, E kau metitasio ki au gaoi fuli, E kau fakakaukau ki le gaoiaga o ou lima.

Pesalemo 18:6

Na fui au e va o le nofoaga o le kau mate, Na mauatoka au e kupega o le mate.

Pesalemo 20:7

Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Pesalemo 22:14

E lotou fakamaga mai olatou gutu kiate au, Ofaipe le laione leia e sae ti gugulu.

Pesalemo 27:13

Io ! Ka na leaise kau iloa pau e kau tio loa ki le agamalie o le Eteleno I le kele o le kakai mauli !…

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Pesalemo 42:5

E kau manatui le temi leia na kau saele ai kae takatakai au e le kakai, Ti na kau taki ai latou ki le fale o le Atua, i loto malie o ni kalaga fakafiafia mo ni fakafetai A se kakai toka api i aso lalasi.

Pesalemo 43:5

Kolea e ke mamae ai, ei loku laumalie, ti e ke tagi ai i loku loto ? Ke ke amanaki malie ki le Atua, talie e kau toe fakafetai loa kiate ia. Ko ia ko loku fakamauli mo loku Atua.

Pesalemo 65:4

E fakamamae au e agasala : E ke fakamolemole loa amatou sala !

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Sonasi 2:4

Na ke ti au ki le moana, ki le takele o le tai, Ti na takatakai au e vai tatafe ; Na fakalaka iate au au galu fuli mo au piau fuli.

Mikea 1:2

Kotou fakalogo, koutou fuli, atu kakai ! Tokaga, kele, mo nea fuli iate koe ! Ke fakamaoki kia koutou le Aliki, le Eteleno, Le Aliki leia e nofo i le fale sau o lona maokioki !

Apakuki 2:20

E nofo le Eteleno i lona fale tapu maokioki. Ke fakalologo le malama nei katoa i ona mua !

Epelo 12:3

Koia, ke kotou tokaga mua ki leia na kataki ia le agatuu lasi lena mei le kau agasala, o tupu ke aua na kotou kaekae mo loto gaegae.

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.