Sonasi 2:4 - Tosi Tapu

⁴ Na ke ti au ki le moana, ki le takele o le tai, Ti na takatakai au e vai tatafe ; Na fakalaka iate au au galu fuli mo au piau fuli.

Sonasi 2:4 ပူးပေါင်းရင်းမြစ်များ

Uluaki tosi o Sau 8:42

talie e iloa loa le logologona o lou suafa lasi, mo lou lima makeke, ti mo lou lima falo, io ka au loa a ia o faikole i le fale leinei,

Uluaki tosi o Sau 8:48

Kapau e lotou toe tafoki mai loa kiate koe i lolatou loto katoa ti mo lolatou laumalie katoa, i le fenua o olatou fili ala na ave ia latou o fakapopula, kapau e lotou fai atu kiate koe ni kole, o tagaki olatou mata ki lolatou fenua leia na ke soli ki olatou tamana, ki le kolo leia na ke filifili ti mo le fale leia na kau fakatuu ki lou suafa,

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Koloniko 6:38

Kapau e lotou toe liliu mai loa kiate koe mo le loto katoa ti mo le laumalie katoa, i le fenua lena e lotou popula ai loa, kapau e lotou faikole atu loa kiate koe, o agaaga olatou mata ki lolatou fenua leia na ke soli ki olatou tamana, mo le kolo leia na ke filifili, ti mo le fale leia na kau fakatuu ki lou suafa,

Pesalemo 31:22

Ke fakafetai ki le Eteleno ! Talie na fakasa e ia lona kalasia kiate au, O sakinake na kau nofo i se kolo tau.

Pesalemo 42:8

E kalaga se tasi vaitafe ki se tasi vaitafe ; E fakalaka ou vai fuli mo au galu fuli iate au.

Pesalemo 5:7

E ke tamate le kau gutu loiloi ; Ti e fakalialia le Eteleno ki le kau tukipo mo le kau kaia.

Pesalemo 88:6

Kua kau moe mo le kau mate, O tatau mo latou ala kua mamate ti kua momoe i le tanuma, Mo latou ala e leaise koi ke manatui, Ala kua mavae i lou lima.

Pesalemo 88:7

Na ke ti au ki se popoko loloto, Ki le fakapouli, ki vanu fakapouli.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 49:14

Kae na pati Sione : Kua tiaki au e le Eteleno ! Kua galoi au e le Aliki !

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 7:15

Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.

Tagi laulau a Selemia 3:54

Na kau malemo i le vai o kaku ki loku ulu ; Na kau pati : Kua kau oki !

Esekiele 37:11

Na pati mai loa a ia kiate au : Vosa o le tagata, ko ivi anei ko le fale katoa o Iselaele. Ko leinei, e lotou pati : Kua malo omatou ivi, ti kua maumaui lamatou amanaki malie, ti kua motou puli noa !

Taniela 6:10

I le iloa e Taniela kua tosi le fakatotonu, na ano loa a ia ki lona fale ; ti na fakamavaa loa e ia a katupa o le kogafale i lau fata ki le fetuu o Selusalemi. Ti na tua tolu i le aso na tutuli loa a ia o faikole mo fakavikiviki ki lona Atua, ofaipe lana fai masani i mua.

Sonasi 2:7

Na kau ifo o kaku ki fakatafito o mauga, Na tapono au e matapa ukamea o le kele o lee gato ; Kae na ke toe fakapale mauli ake au mei le popoko, Eteleno, loku Atua !