Sonasi 1:9 - Tosi Tapu

⁹ Na tali loa a ia kia latou : Ko se Epeleo au, ti e kau i ki le Eteleno, le Atua o le atu lagi, leia na fakatupu ia le tai mo le kele.

Sonasi 1:9 ပူးပေါင်းရင်းမြစ်များ

Senesi 1:10

Na fakaigoa loa e le Atua le kele malo ko le fenua, kae fakaigoa loa e ia le ganea leia na tanaki ai a vai ko le tai. Na tio loa le Atua na malie le nea lena.

Senesi 14:13

Na au loa se tagata na sola o fakasa le nea lena kia Apalamo, le tagata Epeleo ; kae na nofo Apalamo i le ulu sene o Mamele, le tagata Amole, ko le taina o Esekoli mo Anele, ala na kau mo Apalamo.

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 39:14

na kalaga loa a ia ki le kakai o le fale, o pati kia latou : Kotou tio, kua aumai e ia se tagata Epeleo ke kakaai ia tatou. Na au le tagata lena kiate au ke momoe mo au, kae na kau kalaga o leo lasi.

Lua tosi o Sau 17:25

I le kamataaga o lalatou nofo i ai, na leaise lotou i fua ki le Eteleno, ti na kakau mai loa e le Eteleno kia latou ni laione ala na tamate ia latou.

Lua tosi o Sau 17:28

Na au loa se tasi o le kau pelepitelo leia na aumai fakapopula mei Samalia o nofo i Petele, ti na ako loa e ia kia latou le fakaapaapa ki le Eteleno.

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Esetalasi 5:11

Ko leinei le tali na lotou fai mai kia matou : Ko matou ko tagata fakasausau a le Atua o le lagi mo le kele, ti e motou toe laga le fale leinei na kamata laga ti kua sili ki ai ni fetuu mauke ai ; io, na fau a ia e se sau lasi o Iselaele o oki malie.

Neemia 1:4

I laku logo ki nea ana, na kau tonatona loa ki le kele o tagi, ti na kau nofo loa i ni aso mauke ai i le mamae. Na kau sesunio loa ti na kau faikole loa ki le Atua o le atu lagi, o pati :

Neemia 2:4

Ti na pati mai loa le sau kiate au : Kolea e ke kole ? Na kau faikole i le temi lena ki le Atua o le atu lagi,

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Sopo 1:9

Ti na tali loa Satana ki le Eteleno : Pe fufuaki alofa noa a Sopo ki le Atua ?

Pesalemo 136:26

Kotou fakafetai ki le Atua o atu lagi, Talie e lee gato lona manava alofa !

Ekesote 1:15

Ti na masau foki le sau o Esipito ki fafine faifanau a le kau Epeleo, ko le tasi na igoa ko Sifela, ti ko le tasi ko Pua.

Ekesote 2:13

Na toe ano loa a ia i leia ake a aso, ti ko leinei na fefele ni tagata Epeleo e toka lua. Ti na pati loa a ia ki leia na sala : Kolea e ke tamate ai lou taina ?

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Filipe 3:5

ko au, na silikosisio au i le valu o aso, mei le lanu o Iselaele, mei le faasiga o Pesamino, Epeleo na tupu mei se Epeleo, ti faliseo i le lao ;

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 16:11

ti na lotou lauveli loa ki le Atua o le lagi, o tupu ko olatou mamae mo olatou papala, kae na leaise lotou fakasemala fua ki alatou gaoi.