Sonasi 1:8 - Tosi Tapu

⁸ Ti na lotou pati loa kiate ia : Fakasa mai kia matou pe ko ai leia na tupu ai le malaia leinei kia tatou ? Koa au gaoi a au ? Ti e ke au meifea ? Ko ai lou fenua mo lou kakai ?

Sonasi 1:8 ပူးပေါင်းရင်းမြစ်များ

Senesi 47:3

Ti na pati loa Falaone kia latou : Kolea lakoutou gaoi ? Na lotou tali loa kia Falaone : E tausi manu au tagata fakasausau, ofaipe omatou tamana.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Sosue 7:19

Na pati loa Sosue kia Akane : Ei loku vosa, e kau kole atu kiate koe, ke ke fakaapaapa ki le Eteleno, le Atua o Iselaele, ti ke ke fakakololia kiate ia ! Koia ke ke fakasa mai kiate au le nea leia na ke fai, ke aua na ke toe fufu a ia kiate au !

Uluaki tosi a Samuele 14:43

Na pati loa Saulo kia Sonatane : Fakasa mai le nea leia kua ke fai. Na fakasa loa a ia e Sonatane kiate ia, o pati : Na kau kai se ga meli ikiiki, ki le tumutumu o le laakau leia na kau too i loku lima : ko leinei au, e kau mate loa.

Uluaki tosi a Samuele 30:13

Ti na pati loa Tavite kiate ia : Ko ai lou pule, ti e ke au meifea ? Na tali loa a ia : Ko se tama Esipito au, leia e gaoi ki se tagata Amaleke, ti ko le aso tolu loa leinei mo loku tiaki e loku pule talie na kau masaki.