Sonasi 1:4 - Tosi Tapu

⁴ Kae na fakaagi loa e le Eteleno se matagi makeke ki le tai, ti na malaga loa i le tai se afa lasi. Ti na sakinake le vaka ka goto.

Sonasi 1:4 ပူးပေါင်းရင်းမြစ်များ

Pesalemo 135:6

Ko nea fuli ala e loto ki ai le Eteleno, e fai e ia latou, I le atu lagi mo le kele, I atu tai ti mo potu loloto fuli.

Pesalemo 135:7

E fakapale ake e ia ki aluga a ao i potupotu o le malama nei ; E fakatupu e ia a uila mo le ua ; E too e ia le matagi mei ona koloa fufu.

Pesalemo 148:8

Afi mo ua fefeka, nive mo kokofu, Matagi makeke, ala e fai ia ana fakatotonu,

Ekesote 10:13

Ti na siki loa e Moisese lana tokotoko ki le fenua o Esipito ; ti na fakaagi loa e le Eteleno se matagi mei le potu Esite ki le fenua i le aso katoa lena mo le po katoa lena. I le pogipogi usu na aumai loa e le matagi o le potu Esite ni seseivaka.

Ekesote 10:19

Na fakaagi mai loa e le Eteleno se matagi makeke mei le potu Uesite, ti na ave loa e le matagi a seseivaka o laku ki le tai Kula ; na leaise toe maua loa se seseivaka e tasi i le fenua katoa o Esipito.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 15:10

Na ke pupusi lau tukumanava : Ti na lotou lofia i le tai ; Na lotou ogo ofaipe se potu pulu, O kaku ki le takele o le moana.

Selemia 51:16

I lona leo, e gugulu a vai i le atu lagi ; E fakapale ake e ia a ao i potupotu o le malama nei, E fakatupu e ia a uila mo le ua, E too e ia le matagi mei ona fale koloa.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Numelo 11:31

Na fakaagi loa e le Eteleno mei le tai se matagi leia na aumai ia loa se ao kaia, ti na fakavilo loa e ia latou ki le nofolaga. Na maua loa latou i tafatafa o le nofolaga o kaku ki le gatoaga o le saele i se aso katoa, ti na lotou lele fua i aluga o le kele i se meta e tasi.