Sonasi 1:3 - Tosi Tapu

³ Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Sonasi 1:3 ပူးပေါင်းရင်းမြစ်များ

Senesi 3:8

Ti na la logo loa ki le leo o le Eteleno Atua, leia na evaeva i le oloto i le afiafi, ti na mumuni loa le tagata mo lana avaga, o mamao i mata o le Eteleno, i loto o laakau o le oloto.

Senesi 4:16

Ti na fakamamao loa Kaino i mata o le Eteleno, ti na nofo loa a ia i le fenua o Noti, i le potu esite o Eteni.

Uluaki tosi o Sau 19:3

I le logo loa a Elia ki le nea lena, na tuu ake loa a ia ki aluga o sola ke saofaki lona mauli. Na kaku loa a ia ki Peele-Sepa, leia e kau ki Suta, ti na tuku loa e ia i ai lana tagata fakasausau.

Uluaki tosi o Sau 19:9

I ai, na ulu loa a ia ki le ana, ti na moe loa a ia i ai i le pouli. Ti ko leinei, na tuku loa le folafola a le Eteleno kiate ia, o pati : Kolea e ke fai i leinei, Elia ?

Lua tosi o Koloniko 2:15

I le lakaga nei, ke aumai e loku aliki ki ana tagata fakasausau le fulumeto, mo le olese, mo le lolo, ti mo le vino, ala na masau a ia ki ai.

Lua tosi o Koloniko 2:16

Ti ko matou, e motou sele loa le laakau mei Lipane, le laakau fuli leia e aoga kiate koe ; e motou saisai loa le laakau o fakatele atu a ia i le tai o kaku ki Safo, ti e ke fakakaku loa a ia ki Selusalemi.

Lua tosi o Koloniko 9:21

Talie na ano ni folau a le sau ki Talesisi o fakatasi mo tagata fakasausau a Ilame ; ti na au tua tasi i fetuu e tolu mei Talesisi ni vaka kua apele i le aulo, mo le siliva, mo le lei, mo ni geli, ti mo ni manu lele.

Esetalasi 3:7

Na soli loa se paaga ki le kau tafatu, mo le kau fai papa, ti na toe soli foki mo ni magiti, mo ni nea inu, ti mo se lolo, ki le kau Sitone mo le kau Tile, o tupu ke lotou aumai i le tai o kaku mai ki Safo ni sete mei Lipane, o mulimuli ki le fakataga leia na tuku kia latou e Silusi, sau o Pelesi.

Sopo 1:12

Ti na pati loa le Eteleno kia Satana : Ko leinei, kua kau tuku atu a nea fuli a Sopo kiate koe ; kae aua fua na fafa lou lima kiate ia. Ti na mavae loa Satana mei le agaiaga o le Eteleno.

Sopo 2:7

Ti na mavae loa Satana mei mua o le agaiaga o le Eteleno. Ti na taai loa e ia a Sopo ki se masaki kili mamae ai, mei ona taga vae o kaku ki lona tumuaki.

Pesalemo 107:23

Ko latou ala na ifo ki le tai i ni vaka, Ti na gaoi i aluga o atu vai lalasi,

Esaia 2:16

Ki vaka faikoloa fuli o Talesisi, Ti mo nea fuli ala e fulumalie ki le mata.

Esaia 23:1

Folafola a le Atua ki Tile. Kotou fetagisi, koutou ko vaka o Talesisi ! Talie kua maumau a Tile : e leaise koi toe se fale ! e leaise koi maua se matapa ! Na kaku mai le logo kia latou mei le fenua o Kitimi.

Esaia 23:10

Taine o Talesisi, kua oki le popula ! Ke ke eva faitalisa i lou fenua, Ofaipe le faifaitalisa o le Nile !

Esaia 23:6

Kotou fakalaka ki Talesisi, Kotou tagi laulau, koutou ko kakai o le mata tai !

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Selemia 10:9

E aumai mei Talesisi ni laui siliva, ti mei Ufasi se aulo. E fau latou e le tagata gaoi ti mo le lima o le tagata gaoi ukamea. Ko kofu o atua ana ko ni kie na pena usi ti na pena kula, Ko le gaoiaga fuli latou a ni tagata popoto.

Esekiele 2:8

Ti ko koe, vosa o le tagata, fakalogo mai ki le nea leia ka kau fakasa atu kiate koe ! Aua na ke agatuu ofaipe le famili agatuu lena ! Fakamavaa lou gutu, ti ke kai le nea leia e kau soli loa kiate koe !

Esekiele 27:12

Na fai koloa mo koe le kakai o Talesisi, O tupu ko le lasi o ou koloa. Na lotou totogi ou koloa Ki le paaga, mo le ukamea, mo le etani, mo le pulu.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Sonasi 1:10

Na i lasi loa a tagata ana, ti na lotou pati loa kiate ia : Kolea na ke fai ai le nea lena ? Talie kua iloa e le kau tagata lena na sola a ia mei mata o le Eteleno, talie na fakasa ake e ia kia latou.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Luka 9:62

Na tali loa Sesu kiate ia : Ko leia e teki lona lima ki le saliote, ti toe tio ki muli, e leaise aoga a ia ki le puleaga o le Atua.

Gaoi 15:38

kae na leaise malie loa kia Paulo ke la ave leia na tiaki ia laua i Pafilia, ti na leaise ano mo laua i lala gaoi.

Gaoi 26:19

Talu mei ai, sau Akilipa, na leaise kau toe patigataa ki le nea leia na sa mei lagi :

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Gaoi 9:38

Kae na ofi a Lita ki Sope, ti i le iloa loa e le kau tisipulo kua nofo Petelo i ai, na lotou kakau loa ni tagata e toka lua kiate ia, o kole kiate ia ke au vave mua kia latou.

Gaoi 9:42

Na iloa loa le nea lena i Sope katoa, ti na toka api ai latou ala na tui loa ki le Aliki.

Gaoi 9:43

Na nofo loa Petelo i se ga temi i Sope, i le fale o se tagata fai kilii manu na igoa ko Simone.

Uluaki tosi ki le kau Kolinto 9:16

Kapau e kau fakasa le Evaselio, e leaise tonu ke kau fakakololia i ai, talie kua tuku mai a ia kiate au, ti e malaia kiate au mo kapau e leaise kau fakasa le Evaselio !

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Sosue 19:46

mo Me-Salakoni, mo Lakoni, ti mo le fenua leia i mua o Safo.