Sonasi 1:16 - Tosi Tapu

¹⁶ Ti na maua loa e le kau tagata lena se i lasi ki le Eteleno, ti na lotou momoli loa se sakilifisio ki le Eteleno, ti na lotou fai loa ni fakapapau.

Sonasi 1:16 ပူးပေါင်းရင်းမြစ်များ

Senesi 28:20

Ti na fai loa e Sakopo lana fakapapau, o pati : Kapau e nofo le Atua mo au, o taupau au i le fanoga leia e kau fai, kapau e tuku mai e ia kiate au se pane ke kau kai mo ni teu ke kau lava,

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Lua tosi o Sau 5:17

Koia na pati ai loa Naamane : Ko leinei e leaise ke tali se nea alofa, fakataga ke soli mai ki lau tagata fakasausau se ga kele mei lou fenua o fakauta ki le kavega a ni osi e lua ; talie e leaise toe loto loa lau tagata fakasausau ke momoli ki ni iki ake atua se failaulau mo se sakilifisio, e momoli loa e ia ki le Eteleno toka tasi.

Sopo 37:24

Koia e tonu ai ke i a tagata kiate ia ; E leaise tio ona mata ki se poto fua e tasi.

Pesalemo 107:22

Ke lotou fai ni sakilifisio fakafetai, Ti ke lotou logologo ana gaoi i ni kalaga fakafiafia !

Pesalemo 116:14

E kau fai loa aku fakapapau ki le Eteleno, I mua o lona kakai katoa.

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Ekelesiasi 5:4

E malie ake kiate koe ke aua na ke fai se fakapapau, i lau fai se fakapapau kae e leaise ke fai.

Esaia 26:9

E oli loku laumalie kiate koe i le pouli, Ti e afa loku loto kiate koe iate au ; Talie ka fai au fakamaau ki le malama nei, E ako e le kakai o le malama nei le faitotonu.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Sonasi 1:10

Na i lasi loa a tagata ana, ti na lotou pati loa kiate ia : Kolea na ke fai ai le nea lena ? Talie kua iloa e le kau tagata lena na sola a ia mei mata o le Eteleno, talie na fakasa ake e ia kia latou.

Sonasi 1:14

Koia na lotou tagi ai loa ki le Eteleno, o pati : Ei Eteleno, aua na ke tuku matou ke mamate o tupu ko le mauli o le tagata leinei, ti aua na ke teki kia matou le toto mea ! Talie ko koe, Eteleno, e ke fai le nea leia e ke loto ki ai.

Maleko 4:31

E tatau a ia mo se fa sinapi ; ka to a ia ki le kele, e ikiiki oki a ia i fuai fakaili fuli o le kele ;

Gaoi 5:11

Ti na vilo loa se i lasi i le Ekelesia katoa ti mo latou fuli ala na logo loa ki nea ana.

Tuifakamaau 13:16

Na tali loa le aselo o le Eteleno kia Manoa : E logo ai kua ke fakaafe au, e leaise kau kai loa lau nea kai ; kae kapau e ke loto ke momoli loa se failaulau ki le Eteleno, ti ke fai a ia ! Na leaise iloa e Manoa ko le aselo a ia o le Eteleno.