Sofoni 3:20 - Tosi Tapu

²⁰ I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Sofoni 3:20 ပူးပေါင်းရင်းမြစ်များ

Pesalemo 35:6

Ke fakapouli mo sekeseke olatou ala, Ti ke kapu latou e le aselo o le Eteleno !

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Esaia 61:9

E iloa loa lolatou lanu i atu puleaga, Ti e logo loa lolatou sakoga i lotolotoga o kakai ; Ti ko latou fuli ala e tio loa kia latou e fakamaoki loa Ko latou ko se lanu tapuakina e le Eteleno.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 62:7

Ti ke aua na kotou tuku se malolo kiate ia i se lakaga, O kaku ki lana toe fakatuu Selusalemi ke tuu mau, Ti mo lana fakaliliu a ia ke kololia ia i le malama nei.

Esaia 66:22

Talie, ofaipe le lagi foou Mo le kele foou ala ka kau fakatupu loa E tutuu loa i oku mua o lee gato E tutuu loa lokoutou sakoga mo lokoutou igoa i oku mua o lee gato.

Selemia 23:3

Kae e kau fakatasi loa le toega o laku kau ovi Mei fenua fuli ala na kau kapu latou ki ai. E kau aumai loa latou ki lolatou lotoa ; E lotou fanaunau loa ti mo liuliuga loa.

Selemia 29:14

E pati le Eteleno, e kau tuku loa ke kotou maua au, ti e kau toe aumai loa okoutou kau popula. E kau fakatasii loa koutou mei puleaga fuli, mei ganea fuli ala na kau kapu koutou ki ai, e pati le Eteleno, ti e kau toe aumai loa koutou ki le ganea leia na kau ave ai koutou o fakapopula.

Selemia 30:3

E pati le Eteleno : E soko mai loa a aso, ti e kau toe aumai loa le kau popula o loku kakai ko Iselaele mo Suta ; e kau toe aumai loa latou ki le fenua leia kua kau soli ki olatou tamana, ti e lotou maua loa a ia.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Esekiele 16:53

E kau toe aumai loa olatou kau popula, le kau popula o Sotoma mo ona taineliki, mo le kau popula o Samalia mo ona taineliki, mo lou kau popula i loto malie o latou,

Esekiele 28:25

E folafola le Aliki, le Eteleno, o pati : I le aso leia e kau fakatasii ai loa le fale o Iselaele i loto malie o kakai ala na mavete ai, e kau fakasa loa iate ia loku maokioki i mua o atu puleaga, ti e lotou nonofo loa i lolatou fenua leia na kau soli ki laku tagata fakasausau ko Sakopo.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 37:12

Kikite, o pati kia latou : E folafola le Aliki, le Eteleno, o pati : Ko leinei, ei loku kakai, e kau fakamavaa loa okoutou tanuma, ti e kau fakaulu loa koutou ki fafo i okoutou tanuma, ti e kau toe aumai loa koutou ki le fenua o Iselaele.

Esekiele 37:21

Ti e ke pati loa kia latou : E folafola le Aliki, le Eteleno, o pati : Ko leinei, e kau too loa a fanau o Iselaele i loto malie o puleaga ala na lotou ano ki ai, ti e kau fakatasii loa latou i potu fuli, ti e kau aumai loa latou ki lolatou fenua.

Esekiele 39:13

E tanu loa latou e le kakai katoa o le fenua, Ti e logologona loa le nea lena, I le aso leia e kau fakakololia ai loa, E pati le Aliki, le Eteleno.

Esekiele 39:28

Ti e lotou iloa loa ko au ko le Eteleno, lolatou Atua, Leia na ave ia latou o fakapopula i atu puleaga, Ti e toe fakatasi ia latou i lolatou fenua ; E leaise kau toe tuku loa se tasi ke nofo i atu puleaga,

Soele 3:1

Talie ko leinei, i aso ana, i le temi lena, Mo ka kau toe aumai loa le kau popula o Suta mo Selusalemi,

Amosi 9:14

E kau toe aumai loa le kau popula o loku kakai ko Iselaele. E lotou toe laga loa a kolo maumau, ti e lotou nonofo loa i ai. E lotou to loa ni vite ti e lotou inu loa lona vino. E lotou fai loa ni oloto ti e lotou kai loa lona fua.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Sofoni 3:19

Ko leinei, i le aso lena, e kau gaoi loa kia latou ala na fakamamae ia a koe ; E kau saofaki loa le kau kito, ti e kau fakatalitali loa latou ala na kapu, E kau fakaliliu loa latou ko se tupuaga o le fakavikiviki mo le fakakololia I fenua fuli ala na lotou luma ai.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:8

E kau aumai loa latou, ti e lotou nonofo loa i loto malie o Selusalemi ; e lotou liliu loa ko loku kakai, ti e kau liliu loa ko lolatou Atua i le maoki mo le faitotonu.

Malakia 3:12

E pati loa a puleaga fuli kia koutou, manuia, Talie e kotou liliu loa ko se fenua o nea malilie, E pati le Eteleno o kau tau.

Tetelonome 26:18

I le aso nei, na maua loa e le Eteleno meiate koe le fakapapau leia ke ke nofo loa ko lona kakai, leia e mauiga kese loa kiate ia, o fai ki lana pati kiate koe, ti mo ke tausi loa ana folafola fuli,

Tetelonome 26:19

o tupu ke soli atu loa e ia kiate koe, i aluga o puleaga fuli ala na fakatupu e ia, le tuulaga uluaki i le kololia, mo le igoa, mo le mamalu, ti ke ke liliu loa ko se kakai maokioki ki le Eteleno, lou Atua, o mulimuli ki lana folafola.