Sofoni 3:2 - Tosi Tapu

² E leaise logo fua a ia ki se leo, E leaise tali fua e ia se valoki, E leaise fanaki a ia ki le Eteleno, E leaise fakafeofi a ia ki lona Atua.

Sofoni 3:2 ပူးပေါင်းရင်းမြစ်များ

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 50:17

E koe leia e vesia ki manatu, Ti e tiaki ia aku folafola ki ou muli !

Pesalemo 73:28

Kiate au, ko laku fakafeofi ki le Atua, ko lena loku koloa : E kau fakatuu loku mumuniaga i le Aliki, le Eteleno, O tupu ke fakamatala au gaoiaga fuli.

Pesalemo 78:22

Talie na leaise lotou tui loa ki le Atua, Talie na leaise lotou fanaki loa ki lana tokoi.

Taagapati 1:7

Ko le i ki le Eteleno ko le kamataaga o le iloa ; E vesia le kau vale ki le poto mo le akonaki.

Taagapati 5:12

O ke pati : Oiau, kolea na kau vesia ai ki le akonaki, Ti kolea na leaise tokaga ai loku loto ki le valoki ?

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 43:22

Kae na leaise ke fetapa mai kiate au, ei Sakopo ! Talie na ke kaekae iate au, ei Iselaele !

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Selemia 13:25

Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.

Selemia 22:21

Na kau masau kiate koe i le temi o lou manuia ; Kae na ke pati : E leaise kau fakalogo loa. Na ke fai fenaaki talu mei lou ikiiki ; Na leaise ke fakalogo ki loku leo.

Selemia 32:33

Na lotou titua mai kiate au, na leaise lotou tio mai kiate au. Na ako latou, na ako latou talu mei le usu, Kae na leaise lotou fakalogo ke lotou popoto.

Selemia 35:13

E folafola le Eteleno o kau tau, le Atua o Iselaele : Ano, o pati ki tagata o Suta mo le kakai o Selusalemi : Pe e leaise kotou ako la le fakalogo ki aku folafola ? E pati le Eteleno.

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Esekiele 22:24

Vosa o le tagata, pati ki Selusalemi : Ko se kele a koe leia na leaise fakamea, ti na leaise fakavai e le ua, i le aso o le sausau.

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Sofoni 1:6

Mo latou ala na maliu kese i le Eteleno, Ti mo latou ala e leaise afa ia le Eteleno, Latou ala e leaise afa ia lona finegalo.

Lua tosi kia Timoteo 3:16

E au le Tosi tapu katoa mei le tukumanava a le Atua, ti e aoga a ia ki le akonaki, mo le valoki, mo le fakatonutonu, mo le fakapotoi ki le maokioki,

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.