Sofoni 3:19 - Tosi Tapu

¹⁹ Ko leinei, i le aso lena, e kau gaoi loa kia latou ala na fakamamae ia a koe ; E kau saofaki loa le kau kito, ti e kau fakatalitali loa latou ala na kapu, E kau fakaliliu loa latou ko se tupuaga o le fakavikiviki mo le fakakololia I fenua fuli ala na lotou luma ai.

Sofoni 3:19 ပူးပေါင်းရင်းမြစ်များ

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 61:7

Talie e fetogi loa lokoutou luma ki se vaega liuga lua ; E fetogi loa lokoutou mamae ki se fiafia i lokotou vaega ; Io, e kotou maua loa se vaega liuga lua i lokoutou fenua, Ti e lee gato loa lokoutou fiafia.

Esaia 62:7

Ti ke aua na kotou tuku se malolo kiate ia i se lakaga, O kaku ki lana toe fakatuu Selusalemi ke tuu mau, Ti mo lana fakaliliu a ia ke kololia ia i le malama nei.

Selemia 30:16

Kae e maoki e kai loa latou fuli ala na kai ia a koe, Ti ko ou fili fuli, io fulifuli, e ano loa ki le popula ; Ko latou ala na fakatelefua ia a koe e telefua loa, Ti e tuku loa ki le kaia latou fuli ala na kaia ia a koe.

Selemia 30:19

E malaga ake loa ia latou ni fakafetai, Ti mo ni kalaga fakafiafia ; E kau liuliuga loa latou, ti e leaise lotou toe lavaki loa ; E kau fakamauiga loa latou, ti e leaise fakanoai loa latou.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Selemia 46:28

Ko koe, laku tagata fakasausau ko Sakopo, aua na ke i ! e pati le Eteleno ; Talie e kau nofo mo koe. E kau fakapuli loa a atu puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie leaise mafai ke kau tuku a koe sala tautea.

Esekiele 16:27

Ti ko leinei, kua kau siki loku lima kiate koe, ti kua kau fakaikiiki le vaega leia na kau fakatuutuu kiate koe, ti kua kau tuku a koe ke faitalisa ki ai ou fili, a taineliki o le kau Filisitini, ala na luma ki au agatukipo.

Esekiele 16:57

I mua o le fakasa o lou agaveli ki tafa, i le temi leia na ke tali ai a nukinuki a taineliki o Silia mo latou ala e nonofo i ona tafatafa, ti mo nukinuki a taineliki o le kau Filisitini, ala e vesia kiate koe, mo latou fuli ala e nonofo i ona tafatafa !

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 39:13

E tanu loa latou e le kakai katoa o le fenua, Ti e logologona loa le nea lena, I le aso leia e kau fakakololia ai loa, E pati le Aliki, le Eteleno.

Esekiele 39:26

Ti e lotou galoi loa lolatou luma, Ti mo agatuu fuli ala na lotou fai kiate au, I le temi leia na lotou nonofo ai i le fimalie i lolatou fenua, Ti na leaise tasi ke fakamamae ia latou.

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Sofoni 3:15

Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Tetelonome 26:19

o tupu ke soli atu loa e ia kiate koe, i aluga o puleaga fuli ala na fakatupu e ia, le tuulaga uluaki i le kololia, mo le igoa, mo le mamalu, ti ke ke liliu loa ko se kakai maokioki ki le Eteleno, lou Atua, o mulimuli ki lana folafola.

Epelo 12:13

ti ke kotou muli ki okoutou vae i ni ala sasako, o tupu ke aua na sese le vae leia kua kito, kae ke toe fakamakeke a ia.

Apokalipisi 20:9

Ti na lotou pale loa ki le fenua, ti na lotou takatakai loa le nofoaga o le kau sagato ti mo le kolo alofaina. Kae na ifo loa se afi mei le lagi o maumaui latou.

Tuifakamaau 1:7

Na pati loa Atoni-Peseki : na tae e sau e tino fitu, ala na tutuuti a maikao matua o olatou lima mo olatou vae, a toega kai i lalo o loku laupapa kai : Kua toe liufaki loa e le Atua kiate au le nea leia na kau aga o fai. Na ave loa le sau ki Selusalemi, ti na mate loa a ia i ai.