Sofoni 3:15 - Tosi Tapu

¹⁵ Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Sofoni 3:15 ပူးပေါင်းရင်းမြစ်များ

Senesi 30:23

Na tinae loa Lasele, ti na fanaui loa e ia se tama, ti na pati loa a ia : Kua too e le Atua loku luma.

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 19:9

E totonu fakatotonu a le Eteleno, e lotou fakafiafia ia le loto. E mea lao a le Eteleno, e lotou fakamalama ia a mata.

Pesalemo 85:3

Kua ke fakamolemole ki le agaveli a lou kakai, Ti kua ke uufi alatou agasala fuli ; - Manava.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 65:19

E kau fai loa ki Selusalemi loku nekenekeaaga, Ti ki loku kakai ko loku fiafiaaga ; E leaise toe logo loa i ai Ki le logoa o ni tagi ti mo le logoa o kalaga.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 35:10

O tupu na ke pati : Ko puleaga ana e lua o Iselaele mo Suta, ko fenua ana e lua, a aku loa laua, Ti e motou maua loa laua, Pe nofo foki le Eteleno i ai.

Esekiele 36:15

E leaise ke toe logo loa ki lauveli a atu puleaga, Ti e leaise ke toe amo loa le luma o atu puleaga ; E leaise ke toe maumaui loa lou puleaga, e pati le Aliki, le Eteleno.

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Amosi 9:15

E kau to loa latou i lolatou fenua, Ti e leaise toe taaki loa latou i le fenua leia na kau soli kia latou, E pati le Eteleno, lou Atua.

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Apakuki 2:17

Talie e vilo loa kiate koe a agamakeke na fai ki Lipane, Ti e fakaii loa a koe e maumau a manu, O tupu na ke liligi le toto o ni tagata, Ti na ke fai ni agamakeke i le fenua, Ki le kolo mo lona kakai fuli.

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Sakalia 14:11

E nofo loa i le kolo, ti e leaise toe i ai loa se malaia. E fimalie loa Selusalemi.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 12:15

Aua na ke i, taine o Sione ; Ko leinei, e au lou sau, Eeke a ia i le uviki asino.

Soane 19:19

Na fakatotonu foki e Pilato ke tosi se fakamailoga, o fakapipiki ki le koluse, ti na tosi feneeki : Ko Sesu mei Nasaleti, sau o le kau Sutea.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Apokalipisi 12:10

Ti na kau logo loa i le lagi ki se leo makeke na pati : I le temi nei kua soko mai loa le saofaki, mo le mafimafi, mo le pule fakasau o lotatou Atua, ti mo le pule o lona Kilisito ; talie kua ti ki fafo leia na lauveli ki otatou fetaina, leia na tukugavelii ia latou i mua o lotatou Atua i le ao mo le po.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.

Apokalipisi 7:15

Koia leia kua lotou tutuu ai i mua o le ekeekeaga fakasau o le Atua, o tausi kiate ia i le ao mo le po i lona fale tapu. Ko leia e ekeeke i le ekeekeaga fakasau e nofo tuumau loa mo latou, o puipui latou.