Sofoni 3:13 - Tosi Tapu

¹³ E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Sofoni 3:13 ပူးပေါင်းရင်းမြစ်များ

Lua tosi o Koloniko 20:30

Ti na fimalie loa le puleaga o Sosafate, talie na soli loa kiate ia e lona Atua le tokamalie i ona tafatafa fuli.

Sopo 11:19

E ke moe loa kae e leaise toe fakamamae a koe e se tasi, Ti e amoamo loa ou mata e se toka api.

Pesalemo 119:3

Ala e leaise fai ia le agaveli, Kae saele i ona ala !

Pesalemo 120:2

Eteleno, saofaki loku laumalie i laugutu loi, I le alelo kaka !

Pesalemo 120:3

Kolea e soli atu kiate koe e se alelo kaka, Kolea e ke maua ia i se alelo kaka ?

Pesalemo 23:2

E fakamalolo e ia au i ni faisaga sesega. E taki e ia au ki ni vai tokamalie.

Esaia 17:2

Kua tiaki a kolo o Aloele, Kua tuku latou ki kau manu ; Kua lotou momoe i ai, ti e leaise tasi ke fakaii ia latou.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Selemia 23:4

E kau fakanofo loa kia latou ni kau tausi manu Ala e fagai ia loa latou. E leaise lotou toe i loa, pe toe gagae loa, Ti e leaise puli loa se ovi e tasi, e pati le Eteleno.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Esekiele 39:26

Ti e lotou galoi loa lolatou luma, Ti mo agatuu fuli ala na lotou fai kiate au, I le temi leia na lotou nonofo ai i le fimalie i lolatou fenua, Ti na leaise tasi ke fakamamae ia latou.

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Soele 3:21

E kau totogi loa lolatou toto Leia na leaise totogi. Ti e nofo loa le Eteleno i Sione.

Levitiko 26:6

E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

Mikea 4:4

E lotou nonofo loa le tagata taki tasi i lalo o lana vite mo lona fiki, Ti e leaise toe fakamamae loa latou e se tasi ; Talie kua masau le gutu o le Eteleno o kau tau.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Sakalia 8:16

E folafola le Eteleno, o pati : Ko leinei le nea leia e tonu ke kotou fai : Kotou tasi fakasa le maoki ki lona oloi ; kotou fakamaau o mulimuli ki le maoki, ke maua le tokamalie ;

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Mateo 13:41

E kakau loa e le Vosa o le tagata ana aselo, ke lotou taaki i lona Puleaga a nea fuli ala e fakatupu veli ti mo latou ala e fai ia a aga fakalialia :

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Kolose 3:9

Aua na kotou feloiaki, talie kua kotou tiaki le tagata afea mo ana gaoi,

Uluaki tosi a Petelo 3:14

Ti kapau e kotou mamae foki o tupu ko le faitotonu, e kotou manuia loa. Ke aua na kotou i fua ki tagata, ti ke aua na kotou nofo sosa fua ki se nea ;

Uluaki tosi a Soane 5:18

E tou iloa ko leia fai na tupu mei le Atua e leaise fai ia le agasala ; kae ko leia na tupu mei le Atua e taupau e ia a ia totonu, ti e leaise fafa leia e Veli kiate ia.

Apokalipisi 14:5

Ti na leaise maua se kaka i olatou gutu, talie e lotou lee mele.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.