Sofoni 3:12 - Tosi Tapu

¹² E kau tuku loa i loto malie o ou se kakai agamalu mo mativa, Leia e maua loa lona mumuniaga i le suafa o le Eteleno.

Sofoni 3:12 ပူးပေါင်းရင်းမြစ်များ

Esetalasi 9:8

Kae logo ai a nea ana, na alofa kia matou le Eteleno, lomatou Atua, o fakamauli ni iki o matou, ti kua soli mai e ia kia matou se mumuniaga i lona nofoaga tapu, o tupu ke fakamalamai ai omatou mata mo soli mai ai kia matou se malolo i lotolotoga o lomatou popula.

Pesalemo 37:40

E tokoi le Eteleno kia latou, ti e fakamauli e ia latou. E saofaki e ia latou i le kau agaveli, ti e fakamauli e ia latou, Talie e lotou afa lolatou mumuniaga iate ia.

Esaia 14:30

Ti e makona loa le kau mativa, Ti e malolo loa le kau fakaaloalofa i le fimalie. Kae e kau tamate loa lou aka ki le fia kai, Ti e mate loa i le tau le nea leia e toe loa iate koe.

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Esaia 29:19

E fiafia loa le kau fakaaloalofa i le Eteleno, Ti e nekenekea loa le kau mativa o tupu ko le Sagato o Iselaele.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Selemia 17:7

Manuia le tagata leia e fanaki ki le Eteleno, Ti ko lona amanaki malie ko le Eteleno !

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Esekiele 6:8

Kae e kau tuku loa ni ga toetoega ia koutou, Ala e sao loa i le seleta i lotolotoga o atu puleaga, Mo ka kotou mavetevete loa i fenua kesekese.

Mikea 5:6

E nofo loa le toega o Sakopo i loto malie o ni kakai toka api Ofaipe se sasau leia e au mei le Eteleno, Ofaipe ni motii vai i le mutie : E leaise lotou fanaki ki le tagata, E leaise lotou fakalogo ki fanau a tagata.

Naume 1:7

E agamalie le Eteleno, Ko se mumuniaga a ia i le aso o le mamae ; E iloa e ia latou ala e fanaki kiate ia.

Sakalia 11:11

Na motusi loa le sai i le aso lena ; ti ko ovi fakaaloalofa ala na tokaga kiate au, na fakamaoki loa i ai ki le folafola a le Eteleno.

Sakalia 11:7

Ti na kau kamata fagai loa le kau ovi leia na tonu ke ave ki le fale tamate manu, latou ala na fakaaloalofa lasi i le kau manu. Na kau too loa a tokotoko e lua : Na kau fakaigoa le tasi ko KALASIA, ti na kau fakaigoa le tasi ko FAKATASI. Ti na kau fagai loa le kau ovi.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 12:21

Ti e amanaki malie loa a atu puleaga ki lona suafa.

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Loma 15:12

Na pati foki Esaia : E tupu loa ia Isaia se afusa, Leia e malaga ake loa o sau i atu puleaga ; Eamanaki malie loa a atu puleaga kiate ia.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.