Sofoni 3:10 - Tosi Tapu

¹⁰ Mei leia atu fetuu o vaitafe o Etiopia, E aumai loa e laku kau atolasio, laku kau mavetevete, ni moliga kiate au.

Sofoni 3:10 ပူးပေါင်းရင်းမြစ်များ

Pesalemo 68:31

Ke ke tautea le kolokotile, Mo le kau pipi tagata mo le kau pipi tagata muli o atu kakai, Ala e tulolo mo ni piesi paaga ! Ke ke fakamavete a kakai ala e fiafia i le tau !

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 18:1

A koe, ko le fenua leia e fetati ai a masafu, I leia atu fetuu o vaitafe o Etiopia !

Esaia 18:7

I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Soane 7:35

Na pati loa le kau Sutea : E ano loa a ia kifea, ke aua na tou toe maua ai loa a ia ? Pe ano loa a ia kia latou ala e mavetevete i le kau Keleka ? Pe akonaki loa a ia ki le kau Keleka ?

Gaoi 24:17

I le oki o laku puli i ni fetuu mauke ai, na kau au loa o fai ni nea alofa ki loku puleaga, ti mo fai ni moliga.

Gaoi 8:27

Na tuu loa a ia ki aluga, o ano. Ti ko leinei, ko se tagata Etiopia, ko se enuke, minisi a Kanetase, fafine sau o Etiopia, na tokaga ki ona koloa fuli, ti na pale a ia ki Selusalemi o atolasio i le fale tapu,

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,