Sofoni 2:9 - Tosi Tapu

⁹ Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Sofoni 2:9 ပူးပေါင်းရင်းမြစ်များ

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 25:10

Talie e malolo le lima o le Eteleno i le mauga leinei ; Ti kua takatakafi a Moape i lona tuuaga, Ofaipe le takatakafi o ni penu i le popoko penu.

Esaia 49:18

Siki ake ou mata, o tio takatakai, ti ke tio : E lotou fakatasi fuli, ti e lotou au kiate koe. E kau mauli ! e pati le Eteleno, E ke kofu loa kia latou ofaipe se kofu fakateuteu, E ke nonoa loa latou i ou vakavaka ofaipe ni titi o se taine avaga.

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Selemia 48:1

O uiga mo Moape. E folafola le Eteleno o kau tau, le Atua o Iselaele, o pati : Malaia kia Nepo, talie kua maumaui a ia ! Luma kia Kiliataimi, talie kua too a ia ! Luma kia Misikape, talie kua fati a ia.

Selemia 49:1

Ki fanau a Amone. E folafola le Eteleno, o pati : Pe leaise maua e Iselaele se vosa ? Pe leaise maua e ia se tasi ke mau tofiga ? Kolea e maua ai e Malekome a Kate, Ti e nofo ai lona kakai i ona kolo ?

Selemia 49:18

Ofaipe Sotoma mo Komola ti mo kolo i tafatafa, ala na maumaui, E pati le Eteleno, E leaise toe nofoi loa a ia, E leaise toe nofo loa i ai se tagata…

Selemia 49:33

E liliu loa Atesoa ko le nofoaga o kuli vao, ko se toafa, o lee gato ; E leaise toe nofo loa se tasi i ai, e leaise toe fakalaka loa se tagata i ai.

Selemia 50:40

Ofaipe Sotoma mo Komola, ti mo kolo i ola tafatafa, ala na maumaui e le Atua, E pati le Eteleno, E leaise toe nofoi loa a ia, E leaise toe liliu loa a ia ko se nofoaga fakatemi o se tagata.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Amosi 2:1

Koia e folafola ai le Eteleno, o pati : O tupu ko agaveli e tolu a Moape, E fa foki, e leaise kau toe fetogi laku fakatotonu, Talie na tutu e ia o okioki a ivi o le sau o Etome.

Sofoni 2:14

E momoe loa ni kau manu i loto malie o Ninive, Mo ni manu i faasiga kesekese ; Ko le palikano mo le eliso E nonofo fakatasi loa i puloga o ona pou ; E tagi loa a manu lele i katupa o ona fale ; E kamata loa le maumau i le mua matapa, Talie e tata loa a papa sete o aofi.

Sofoni 2:7

Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Numelo 14:21

Kae e kau mauli ! ti e fakaapele loa e le kololia o le Eteleno le malama nei katoa !

Loma 14:11

Talie e tuu i le Tosi : E kau mauli, e pati le Aliki, Epeluki loa tuli fuli i oku mua, Ti e fakakololia loa alelo fuli ki le Atua.

Tetelonome 29:22

Ko tautupu ka au, okoutou vosa ala e tupu ake loa i muli o koutou, mo le matapule leia e au loa mei se fenua mamao, - i le tio ki malaia mo masaki ala e tautea loa ki ai e le Eteleno le fenua leinei, i le tio ki le sufele mo le patai,

Tetelonome 29:23

mo le vela katoa o le fenua leinei, leia e leaise maua loa i ai se pulapula, mo se fua, mo se mutie leia e somo, ofaipe le tutu o Sotoma mo Komola, mo Atema mo Sepoimi, ala na maumaui e le Eteleno i lona sausau mo lona finenonofo, -