Sofoni 2:5 - Tosi Tapu

⁵ Malaia ki kakai o mata tai, ki le puleaga o le kau Keleti ! Na masau le Eteleno kiate koe, Kanaane, fenua o le kau Filisitini ! E kau maumaui loa a koe, e leaise ke toe maua ia loa sou kakai.

Sofoni 2:5 ပူးပေါင်းရင်းမြစ်များ

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Esaia 14:30

Ti e makona loa le kau mativa, Ti e malolo loa le kau fakaaloalofa i le fimalie. Kae e kau tamate loa lou aka ki le fia kai, Ti e mate loa i le tau le nea leia e toe loa iate koe.

Selemia 47:7

Pe feaki loa lau malolo ? E tuku e le Eteleno ana fakatotonu kiate ia, Ke agaaga ki Asekaloni mo le fenua o le mata tai.

Esekiele 25:16

Koia e folafola ai le Aliki, le Eteleno, o pati : Ko leinei, e kau falo loku lima ki le kau Filisitini, E kau tuuti le kau Keleti, Ti e kau maumaui le nea leia e toe i le mata tai.

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Sofoni 1:11

Kotou fetagisi, kakai o Maketesi ! Talie kua maumau latou fuli ala e fai koloa, Ti kua mamate tagata fuli ala na tanaki paaga.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Maleko 12:12

Na lotou afa ke too a ia, kae na lotou tuania ia le kakai. Na lotou matala loa na fakasa e Sesu le folafola fakatata lena kia latou. Ti na lotou mavae loa iate ia, o ano.

Sosue 13:2

Ko leinei le fenua leia koi toe : ko fenua fuli o le kau Filisitini ti mo le fenua katoa o le kau Kesuli,

Sosue 13:3

mei Sikole leia e tafe i mua o Esipito o kaku ki le koiga o Ekeloni i le noleto, fenua o le kau Kanaane, ti e nofoi e sau e lima o le kau Filisitini, le sau o Kasa, mo le sau o Asetoti, mo le sau o Asekaloni, mo le sau o Kati, ti mo le sau o Ekeloni, ti mo le kau Avi.

Tuifakamaau 3:3

Ko latou ala na nonofo loa i le fenua : ko kakai o puleaga e lima o le kau Filisitini, mo le kau Kanaane fuli, mo le kau Sitone, ti mo le kau Evi ala na nonofo i le mauga o Lipane, mei le mauga o Paale-Elemoni o kaku ki le matapa o Amate.

Uluaki tosi a Samuele 30:14

Na motou taka tau i le potu saute o le fenua o le kau Keleti, mo le kele o Suta, mo le potu saute o Kalepo, ti na motou tutu Tesilake ki le afi.