Sofoni 2:3 - Tosi Tapu

³ Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Sofoni 2:3 ပူးပေါင်းရင်းမြစ်များ

Lua tosi a Samuele 12:22

Na tali loa a ia : I le koi mauli o le toe, na kau sesunio ti na kau tagi, talie na kau pati : Ko ai na iloa ia, na saga e alofa loa le Eteleno kiate au o soli mai le mauli o le fanau ?

Pesalemo 105:4

Kotou afa le Eteleno mo lana tokoi, Kotou afa tuumau ona mata !

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 31:20

Io ! E lasi ai lou agamalie, Leia e ke taofi kia latou ala e i kiate koe, Leia e ke fakasa kia latou ala e afa lolatou mumuniaga iate koe Kae tio a vosa o tagata !

Pesalemo 45:4

Tagata tau loto toa, ke ke toi lau seleta ki lou fetuu, - lou teu mo lou kololia,

Pesalemo 57:1

Ki le pule o le kau sua. Aua na ke maumaui. Pesalemo a Tavite. I lana sola ki le ana, o tupu ko lona tuli e Saulo.

Pesalemo 76:9

Mei le lagi, na ke fakasa le fakamaau ; Na fakalologo le malama nei i lona i,

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Ekesote 12:27

E kotou tali loa : Ko le sakilifisio o le Pasikate ki le Eteleno, leia na fakasili i aluga o fale o fanau a Iselaele i Esipito, i lana taai Esipito kae saofaki otatou fale. Na punou loa le kakai ki le kele o atolasio.

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Selemia 39:18

E kau saofaki loa a koe, ti e leaise ke mate loa i le seleta ; ko lou totogi ko lou mauli, talie na ke fanaki kiate au, e pati le Eteleno.

Selemia 45:5

Ti ko koe, pe ke afa loa ni nea lalasi kiate koe ? Aua na ke afa latou ! Talie ko leinei, e pati le Eteleno, e kau aumai loa le malaia ki kanofi fuli ; kae e kau soli atu loa lou mauli kiate koe ofaipe sou koloa i le vae koloa, i ganea fuli ala e ke ano loa ki ai.

Esekiele 13:5

Na leaise kotou pale o tapono a pu o le paa, Na leaise kotou takatakai le fale o Iselaele ki se paa, Ke kotou tuu makeke i le tau, I le aso o le Eteleno.

Oseo 10:12

Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Sonasi 3:9

Ko ai e iloa ia, pe leaise toe tafoki loa le Atua o fakasemala, ti mo fakafiti loa a ia ki lona sausau lasi, ti e feala loa ke aua na tou mamate ?

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Mateo 5:5

Manuia latou ala e agamalu, talie e lotou maua loa le kele !

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi ki le kau Tesalonika 4:10

ti e kotou fai foki le nea lena ki fetaina fuli i Masetonia katoa. Kae e motou kole atu kia koutou, fetaina, ke kotou tuputupua tuumau i le alofa lena,

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !