Sofoni 2:15 - Tosi Tapu

¹⁵ Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.

Sofoni 2:15 ပူးပေါင်းရင်းမြစ်များ

Sopo 16:4

Ko au foki, e mafai ke kau masau ofaipe koutou. Ka na kotou nofo i loku nofoaga : E fakamafaia loa koutou ki ni masau, Ti e kau kalokalo loa loku ulu kia koutou.

Sopo 27:23

E pasipasi a lima i lona vilo, Ti e mapumapu kiate ia i lana ano.

Esaia 22:2

Kolea kua ke logoa ai, ti kua ke maveuveu ai, A koe ko le kolo fiafia ! E leaise mamate loa ou mate i le seleta, E leaise lotou mamate loa i le tau.

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 32:9

Fafine fakaauauganoa, Kotou tutuu ki aluga, kotou fakalogo mai ki loku leo ! Taineliki fakafulufulumalie, Kotou tokaga mai okoutou taliga ki laku folafola !

Esaia 47:10

Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Selemia 18:16

Kua lotou fakaliliu lolatou fenua ko se nea fakaaloalofa, ko se nea fakagologolo ; Ko latou fuli ala e fakalaka i ai e punamauli ti e lu olatou ulu.

Selemia 19:8

E kau fakaliliu loa le kolo leinei ko se nea maumau ti mo se nea fakagologolo ; E ofolele loa latou fuli ala e fakalaka loa i ona tafa, Ti e lotou mapu loa ki ona lavea fuli.

Selemia 50:13

O tupu ko le sausau o le Eteleno, e leaise toe nofoi loa a ia, Kae tuu lavaki loa a ia. E ofolele loa latou fuli ala e fakalaka loa i tafa o Papilone, Ti e lotou mapu loa ki ona lavea fuli.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 2:1

Oiau, kua ufiufi e le Eteleno ki ni ao le taine o Sione i lona sausau ! Na fakaifo e ia mei le lagi ki le kele le kololia o Iselaele ! Na leaise manatui e ia lona tekiaga vae, I le aso o lona sausau !

Tagi laulau a Selemia 2:15

E pasipasi kiate koe a lima o latou fuli e fakalaka, E lotou mapu, e lotou lu olatou ulu ki le taine o Sione : Pe ko le kolo lena na fakaigoa ko le kolo fulumalie lasi, Ko le fiafiaaga o le malama nei katoa ?

Esekiele 27:36

Kua mapu le kau fai koloa o ni kakai matapule kiate koe ; Kua ke puli, ti e leaise toe maua loa a koe i se aso !

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Naume 3:19

E leai se faitoo ki lou lavea, E mateia lou lavea. Ko latou fuli ala e logo loa ki le masau kiate koe E pasipasi loa olatou lima kiate koe ; Talie ko ai leia na leaise kaku ki ai lou agaveli ?

Apakuki 1:7

Ko se kakai mamalu mo fakaii ; E fakalogo fai a ia kiate ia mo lona makeke.

Mateo 27:39

Ko latou ala na fakalaka i ai na nukinuki loa kiate ia, ti na lotou kalo loa olatou ulu,