Sofoni 2:11 - Tosi Tapu

¹¹ E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sofoni 2:11 ပူးပေါင်းရင်းမြစ်များ

Senesi 10:5

Ko latou ana ala na fakakakai ia a mata tai o puleaga o mulimuli ki olatou kele, mo alatou masau, mo olatou famili, ti mo olatou puleaga.

Pesalemo 138:4

E fakafetai loa a sau fuli o le malama nei kiate koe ! Mo ka lotou logo loa ki folafola o lou gutu.

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Esaia 2:18

E pupuli loa a taulaatua fuli.

Esaia 2:20

I le aso lena, e tiaki loa e tagata Olatou taulaatua siliva mo olatou taulaatua aulo, Ala na lotou fau ke lotou atolasio ki ai, ki kimoa mo pekapeka ;

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Selemia 46:25

E pati le Eteleno o kau tau, le Atua o Iselaele : Ko leinei, e kau tautea loa Amone, le atua o No, Falaone, mo Esipito, mo ona atua ti mo ona sau, Falaone ti mo latou ala e fanaki kiate ia.

Taniela 11:18

E ave loa ona mata ki fenua o le mata tai, ti e maua loa e ia se i ; kae e fakagato loa e se pule tau lana agaveli ti e fakalumai loa a ia.

Oseo 2:17

I ai, e kau soli loa kiate ia ona faisaga vite mo le vaivailiua o Akole, ofaipe se matapa o le amanaki malie ; i ai, e sua loa a ia ofaipe lona temi ikiiki, ofaipe le temi leia na pale mai ai a ia mei le fenua o Esipito.

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Sofoni 1:4

E kau falo loa loku lima kia Suta, Ti mo le kakai fuli o Selusalemi ; E kau tuuti loa i le ganea leinei a toega o Paale, Mo le igoa o ana minisi ti mo ana pelepitelo mo latou,

Sofoni 3:9

I le aso lena, e kau soli loa ki kakai ni laugutu mea, O tupu ke lotou fetapa fuli ki le suafa o le Eteleno, Ti ke lotou tausi kiate ia i se loto e tasi.

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 8:20

E folafola le Eteleno o kau tau, o pati : E toe au loa ni kakai toka api mo ni iki ala na nonofo i ni kolo kesekese.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Tetelonome 32:38

A atua ala na kai ia a gako o alatou sakilifisio, Ti na inu ia a vino o alatou moliga ? Ke lotou tutuu mai ki aluga, ti ke lotou saofaki koutou, Ke lotou puipui koutou !

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.