Sofoni 2:10 - Tosi Tapu

¹⁰ E soko loa le nea lena kia latou o tupu ko lolatou fia nealasi, Talie na lotou pativeli mo nukinuki i le matasoka Ki le kakai o le Eteleno o kau tau.

Sofoni 2:10 ပူးပေါင်းရင်းမြစ်များ

Uluaki tosi o Koloniko 16:21

Kae na leaise fakataga loa e ia ki se tasi ke fakavelivelii ia latou, Ti na tautea loa e ia ni sau o tupu ko latou :

Ekesote 10:3

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Ekesote 9:17

Kapau e ke toe fia malaga ki loku kakai, ti kapau e leaise ke tuku a ia ke ano,

Esaia 16:6

Kua motou logo ki le laukau o Moape, Ki lona nekenekea mo lona fia taualuga, Ki lona matasoka mo ana masau vaiga.

Selemia 12:14

E folafola le Eteleno kia latou fuli ala e nonofo i oku tafatafa, ala ko ni kau agaveli, Ala e oso le tofiga leia na kau tuku ki loku kakai ko Iselaele : Ko leinei, e kau taaki loa latou i lolatou fenua, Ti e kau taaki loa le fale o Suta mei loto malie o latou.

Selemia 48:14

Pe fefeaki e kotou pati ai : Ko matou ko ni tagata toa, ko ni tagata solia kua teuteu ki le tau ?

Selemia 48:29

E motou iloa le fia nealasi o Moape fulumalie, Mo lona fia taualuga, mo lona nekenekea, mo lona matasoka, mo lona fia aliki.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Esekiele 25:6

Talie e folafola le Aliki, le Eteleno : O tupu na ke pasipasi ou lima, Ti na tukituki ou vae, O tupu na ke fakafiafia ki malaia o le kele o Iselaele, O ke fakasa ai lou vesia ki loku kakai,

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Apetiasi 1:11

I le aso leia na ke tuu ai i ona mua, Le aso leia na ave popula ai lana kau tau e ni matapule, Le aso leia na ulu ai ni matapule i ona matapa, ti na lotou fai ai le toso ki Selusalemi, Ko koe foki na ke faipe se tasi o latou.

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?

Sofoni 2:8

Na kau logo ki lauveli a Moape Ti mo nukinuki a fanau a Amone, Ala na lauveli ki loku kakai, Ti na fai ia ni fakatutuu fia nealasi ki ona koiga.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.