Sofoni 1:7 - Tosi Tapu

⁷ Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Sofoni 1:7 ပူးပေါင်းရင်းမြစ်များ

Sopo 24:1

Kolea e leaise fakatuutuu ai e le Mafimafi ni aso ala e fai ai loa e ia ana fakamaau ? Ti kolea e leaise tio ai latou ala e iloa ia a ia ki aso ana ?

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Esaia 13:3

Kua kau tuku ni fakatotonu ki laku solia maokioki, Ti kua kau kalagai a kau toa o loku sausau, latou ala e fiafia i loku mafimafi.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 34:5

Kua kona laku seleta i le atu lagi ; Ko leinei, ka ifo a ia ki Etome, Ki le kakai leia na kau tuku ki le maumau, ke tautea ai a ia.

Esaia 34:6

Kua apele le seleta a le Eteleno i le toto, ti kua piki i ai a gako Mo le toto o akeno mo koti, Ti mo gako o ifiifi o ovi tagata ; Talie e i ai ni vikitima a le Eteleno i Potesela, Ti mo se tamatea tagata lasi i le fenua o Etome.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Esekiele 7:10

Ko leinei le aso ! e au a ia ! Kua soko mai lou lakaga ! Kua se le laa ! Kua matala le fia nealasi !

Esekiele 7:7

Kakai o le fenua, kua soko lou aso ! Kua au le temi, kua ofi mai le aso, aso o le mamae, Ti e leaise koi sa se kalaga fakafiafia i atu mauga !

Soele 1:15

Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Amosi 6:10

Ka too loa e se tasi o le famili se mate o tutu, Ti ka too loa e ia i le fale ona ivi, E pati loa a ia ki leia e nofo i muli o le fale : Pe koi toe se tasi mo koe ? Ti e tali loa le tagata lena : E leai se tasi… Ti e pati loa leia ake : fakaleemu ! E leaise ko le temi leinei ke too ai le suafa o le Eteleno.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Apakuki 2:20

E nofo le Eteleno i lona fale tapu maokioki. Ke fakalologo le malama nei katoa i ona mua !

Sofoni 1:14

Kua ofi le aso lasi o le Eteleno, Kua ofi mai a ia, ti e au fakatavili a ia. E fakasa e le aso o le Eteleno lona leo, Ti e fai e le tagata toa ni tagi mamae.

Sakalia 14:1

Ko leinei, kua au le aso o le Eteleno, Ti e vae loa ou koloa i loto malie o ou.

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Mateo 22:4

Na toe kakau loa e ia ni iki ake tagata fakasausau, o pati : Kotou pati ki le kau fakaafe : Ko leinei kua kau teuteui laku kaitasi ; kua tamate aku pipi tagata mo aku manu pepeti, ti kua tokamalie a nea fuli, kotou au ki le kaitasi.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Loma 9:20

Ei tagata, ko ai a koe, ke ke fakavisi ki le Atua ? Pe pati loa le ipu kele ki leia na fau ia a ia : Kolea na ke fau ai au ke kau feneeki ?

Filipe 4:5

Ke iloa lokoutou agamalie e tagata fuli, kua ofi le Aliki.

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Uluaki tosi a Samuele 16:5

Na tali loa Samuele : E io ; e kau au ke momoli se sakilifisio ki le Eteleno. Kotou fakamea, ti kotou au mo au ki le sakilifisio. Na pati loa Samuele ke fakamea Isaia mo ona vosa, ti na fakaafe loa e ia latou ki le sakilifisio.

Uluaki tosi a Samuele 20:26

Na leaise masau loa Saulo i le aso lena ki se nea ; talie na manatu a ia : kua lagi soko se nea kia Tavite, o leaise mea ai.