Sofoni 1:18 - Tosi Tapu

¹⁸ E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 1:18 ပူးပေါင်းရင်းမြစ်များ

Senesi 6:7

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Uluaki tosi o Sau 14:22

Na fai loa e Suta le nea leia e veli ki mata o le Eteleno ; ti na lotou fakatupu loa le finenonofo o le Eteleno ki agasala ala na lotou fai loa, o lasi ake i olatou tamana.

Sopo 21:30

I le aso o le malaia, e sao le tagata agaveli ; I le aso o le sausau, e fakamauli a ia.

Sopo 3:15

O fakatasi mo aliki ala na mou koloa i le aulo, Ti na fakaapele ia olatou nofoaga ki le paaga.

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Pesalemo 79:5

E kaku loa kiafea, Eteleno ! lou ita tuumau, Ti mo le kaka o lou sausau ofaipe se afi ?

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Taagapati 18:11

Ko le koloa ko se kolo makeke ki le tagata mou koloa ; E pati a ia, ko se paa taualuga a ia.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Esekiele 16:38

E kau fakamaui loa a koe ofaipe le fakamaui o fafine faiaga mo fafine ala e liligi ia le toto. E kau fakaliliu loa a koe ko se vikitima kua apele i le toto, talie e vilo loa loku sausau mo loku finenonofo kiate koe.

Esekiele 23:25

E kau liligi loku sausau kiate koe, Ti e lotou fai loa kiate koe i le itaita. E lotou tuuti loa lou isu mo ou taliga, Ti e mate loa i le seleta le toetoega iate koe. E lotou too loa ou vosa mo ou taineliki, Ti e kai loa e le afi le toetoega iate koe.

Esekiele 7:11

Kua tupu le agamakeke, ke liliu ko le tokotoko a le agaveli : E leaise toe loa se nea ia latou, i lolatou kakai logoa, i lolatou kakai toka api ! E leaise tagi loa kia latou !

Esekiele 7:19

E lotou laku loa alatou paaga i ala, Ti e lotou fakalialia loa ki lalatou aulo ; Talie e leaise mafai loa ke saofaki latou e lalatou paaga mo lalatou aulo I le aso o le sausau o le Eteleno ; E leaise mafai loa ke lotou fakafimalie olatou laumalie Pe fakamakona olatou manava ; Talie ko nea ana na fakavilo ia latou ki le agaveli.

Esekiele 7:5

Koia e folafola ai le Aliki, le Eteleno : Ko se malaia, ko se malaia e tasi ! Ko leinei, e au a ia !

Sofoni 1:11

Kotou fetagisi, kakai o Maketesi ! Talie kua maumau latou fuli ala e fai koloa, Ti kua mamate tagata fuli ala na tanaki paaga.

Sofoni 1:15

Ko le aso lena ko se aso o le sausau, Ko se aso o le mamae mo le tuania, Ko se aso o le maveuveu mo le maumau, Ko se aso o le fakapouli mo le pouli, Ko se aso o ao mo kokofu,

Sofoni 2:2

I mua o le fakasoko o le fakatotonu, Ti mo le fakalaka o le aso aia ofaipe le penui fulumeto, I mua o le vilo o le sausau kaka o le Eteleno kia koutou, I mua o le vilo o le aso o le sausau o le Eteleno kia koutou !

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.