Sofoni 1:17 - Tosi Tapu

¹⁷ E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Sofoni 1:17 ပူးပေါင်းရင်းမြစ်များ

Pesalemo 83:10

Fai kia latou ofaipe Matiane Ofaipe Sisela, ofaipe Sapini i le vaitafe o Kisoni !

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 10:18

Talie e folafola le Eteleno, o pati : Ko leinei, i le faiaga leinei e kau ti loa ki mamao latou e nonofo i le fenua ; E kau fakamamae loa latou, o tupu ke lotou maemaeia.

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Tagi laulau a Selemia 1:14

Na sai e lona lima le kavega o aku agaveli ; Ti na lotou fui ia ti mo sai ia loku ua ; Na fatii e ia loku makeke ; Na tuku au e le Aliki ki ni lima ala e leaise mafai ke kau tuu ki ai.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Tagi laulau a Selemia 1:8

Na liuliuga e Selusalemi ana agasala, Koia leia kua liliu ai a ia ko se nea fakalialia. Ko latou fuli ala na fakaapaapa kiate ia kua vesia kiate ia, i le tio ki lona telefua. Kua tagi a ia totonu, ti e tagaki kese e ia ona mata.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Esekiele 16:38

E kau fakamaui loa a koe ofaipe le fakamaui o fafine faiaga mo fafine ala e liligi ia le toto. E kau fakaliliu loa a koe ko se vikitima kua apele i le toto, talie e vilo loa loku sausau mo loku finenonofo kiate koe.

Esekiele 24:7

Talie e maua i loto malie o ona le toto leia na liligi e ia ; ti kua tuku e ia a ia i aluga o le utu, kae na leaise liligi e ia a ia ki le kele ke tanu e le efu.

Esekiele 24:8

Koia na kau liligi ai lona toto i aluga o le utu, i le ganea leia e leaise mafai ke tanumia ai, o tupu ke tupu ai loku sausau, ti ke kau tautea a ia.

Amosi 4:10

Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Mikea 7:13

E maumaui loa le fenua o tupu ko ona kakai, O tupu ko fua o alatou gaoi.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 11:7

Kolea koia ? Ko le nea leia na afa e Iselaele na leaise maua e ia, kae ko le kau filifiliia kua lotou maua a ia, ti ko la ake kua fakafefeka latou,

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi a Petelo 1:9

Kae ko leia e leaise nofo ai a nea ana e kivi a ia, e leaise tio mamao a ia, ti kua galoi e ia le fakamea o ana agasala afea.

Uluaki tosi a Soane 2:11

Kae ko leia e vesia ki lona taina, e nofo a ia i le fakapouli, e saele a ia i le fakapouli, ti e leaise iloa e ia le ganea leia e ano a ia ki ai, talie na fakakivi ona mata e le fakapouli.

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,