Sofoni 1:16 - Tosi Tapu

¹⁶ Ko se aso e tagi ai loa le fakatagi pupusi mo ni kalaga tau Ki kolo tau mo tule taualuga.

Sofoni 1:16 ပူးပေါင်းရင်းမြစ်များ

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 59:10

E motou saele taufa ofaipe ni kivi ki se kaua, E motou saele taufa ofaipe latou ala e leai ni mata ; E motou sisiga i le lalatea ofaipe le pouli, I loto malie o le mou e motou faipe ni mate.

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Selemia 8:16

E logo mai le tagi o osi mei le fetuu o Tane, Ti e galulu le kele katoa i le logoa o olatou tagi ; E lotou au, e lotou kai le fenua ti mo nea fuli e maua i ai, Le kolo ti mo latou e nonofo i ai.

Esekiele 7:7

Kakai o le fenua, kua soko lou aso ! Kua au le temi, kua ofi mai le aso, aso o le mamae, Ti e leaise koi sa se kalaga fakafiafia i atu mauga !

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Soele 2:1

Kotou pupusi le fakatagi pupusi i Sione ! Kotou fakagugulu le fakatagi pupusi i loku mauga tapu ! Ke lulu kakai fuli o le fenua ! Talie kua au le aso o le Eteleno, talie kua ofi mai a ia,

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Tetelonome 28:52

E taui loa e ia a koe i kolo fuli ala e tuku atu loa kiate koe e le Eteleno, lou Atua. E lotou taui loa a koe o kaku ki le siga ki lalo o kaua makeke ala e ke mumuni ai i muli ti na ke fanaki ki ai.

Sosue 6:20

Na pupusi loa a fakatagi pupusi o fakaloaloa, ti ko le kakai na logo loa ki tagi fakaloaloa o fakatagi pupusi. I le temi lena, na fakamapa loa e le kakai se kalaga tau makeke, ti na siga loa le kaua takai o le kolo ki lalo. Ti na pale loa le kakai ki le kolo, o tasi ano fakasako i ona mua. Ti na lotou too loa le kolo.