Sofoni 1:13 - Tosi Tapu

¹³ E kaia loa olatou koloa, Ti e maumaui loa olatou fale. E lotou pakia loa i le fakatuu o ni fale kae e leaise lotou nonofo loa i ai. E lotou pakia loa i le to o ni vite kae e leaise lotou inu loa ki lona vino.

Sofoni 1:13 ပူးပေါင်းရင်းမြစ်များ

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 15:13

E kau soli noa au nea malilie mo ou koloa fufu ke kaia, O tupu ko au agasala fuli, i lou fenua katoa.

Selemia 17:3

E kau tuku ke kaia loku mauga mo ona faisaga, mo au nea malilie, mo ou koloa fufu fuli, Ti mo ou ganea taualuga, o tupu ko au agasala, i lou fenua katoa.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Selemia 9:19

Talie kua logo mai ni tagi mamae mei Sione : Kolea ! Kua motou maumaui ! Kua motou apele i le luma ! Kua tonu ke motou tiaki le fenua ! Kua maumaui omatou nofoaga !

Tagi laulau a Selemia 5:2

Kua fakalaka lomatou tofiga ki ni matapule, Mo omatou fale ki ni kakai kese.

Esekiele 22:31

E kau liligi loa loku sausau kia latou, ti e kau tutu loa latou ki le afi o loku sausau, ti e kau totogi loa alatou gaoi ki olatou ulu, e pati le Aliki, le Eteleno.

Esekiele 7:19

E lotou laku loa alatou paaga i ala, Ti e lotou fakalialia loa ki lalatou aulo ; Talie e leaise mafai loa ke saofaki latou e lalatou paaga mo lalatou aulo I le aso o le sausau o le Eteleno ; E leaise mafai loa ke lotou fakafimalie olatou laumalie Pe fakamakona olatou manava ; Talie ko nea ana na fakavilo ia latou ki le agaveli.

Esekiele 7:21

E kau tuku loa a ia ke kaia e lima o kau matapule, Ti ko se koloa o le tau ki le kau pagani o le malama nei, O tupu ke lotou fakakelekele a ia.

Esekiele 7:24

E kau aumai loa a kakai agaveli ake i kakai fuli, O tupu ke lotou too olatou fale ; E kau fakagato loa le fia nealasi o le kau makeke, Ti e fakakelekele loa olatou sagatualio.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Mikea 6:15

E ke muluki loa, kae e leaise ke tau ia loa, E ke tatau loa a fua o le oliveto, Kae e leaise ke fai loa ni pani ki le lolo ; E ke tatau loa a fua o le vite, kae e leaise ke inu loa ki se vino.

Sofoni 1:9

I le aso lena, e kau tautea loa latou fuli ala e sopo i le mua matapa ofaipe ni pagani, Latou ala e fakaapele ia le fale o lolatou pule ki le agamakeke mo le kaka.

Tetelonome 28:30

E ke feauaki loa mo se fafine, ti e momoe loa a ia mo se tasi ake tagata ; e ke fakatuu ia loa se fale, ti e leaise ke nofo loa i ai ; e ke to ia loa se vite, ti e leaise ke kai loa ki ai.

Tetelonome 28:39

E ke to loa ni faisaga vite, ti e ke tausi loa latou, kae e leaise ke inu loa se vino, ti e leaise ke tau loa se fuai vite, talie e kai loa a ia e le unufe.

Tetelonome 28:51

E kai loa e ia le fua o lau kau ovi mo le fua o lou kele o kaku ki lou maumaui ; e leaise tuku atu loa e ia kiate koe se fulumeto, pe ko se vino foou, pe ko se lolo, pe ko se uviki pipi, pe ko se uviki ovi, pe ko se uviki koti, o kaku ki lana maumaui a koe.