Sofoni 1:12 - Tosi Tapu

¹² I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Sofoni 1:12 ပူးပေါင်းရင်းမြစ်များ

Sopo 21:15

Kolea e tonu ai ke motou tausi ki le Mafimafi ? Kolea e tonu ke motou faikole kiate ia ?

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Pesalemo 94:7

Ti e lotou pati : E leaise tio le Eteleno, E leaise tokaga le Atua o Sakopo !

Esaia 5:19

Ti e pati : ke fakatavili a ia, ke fakatavili lana gaoi O tupu ke motou tio ki ai ! Ke kaku mai la le fakamaau a le Sagato o Iselaele, ti ke fakasoko a ia Talie ke motou tio ki ai !

Selemia 10:5

E fai a atua ana pe se pou fualasi, ti e leaise lotou masau fua ; E amo latou, talie e leaise mafai ke lotou saele. Aua na kotou i kia latou, talie e leaise lotou poto fua i le fai o se nea veli e tasi, Ti e leaise lotou mafai ia fua le fai o se nea malie.

Selemia 48:11

Na fimalie Moape talu mei lona ikiiki, Na malolo a ia i lona nofoaga, Na leaise liligi a ia mei se tasi a ipu ki se tasi ake ipu, Ti na leaise ano a ia o popula. Koia na taupau ai e ia lona suamalie, Ti na leaise fetogi ai lona manogi.

Esekiele 8:12

Na pati mai loa a ia kiate au : Vosa o le tagata, pe kua ke tio ki le nea leia e fai fakafufu e le kau matua o le fale o Iselaele, e le tagata taki toka tasi i lona kogafale leia kua apele i taulaatua ? Talie e lotou pati : e leaise tio mai le Eteleno kia tatou, ti kua tiaki e le Eteleno le fenua.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Apetiasi 1:6

Koia e sakili ai loa a nea fuli a Esau ! E maua loa ona koloa fufu !

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Lua tosi a Petelo 3:4

E lotou pati loa : Kofea le fakapapau o lana toe liliu mai ? Ko leinei kua mamate foki otatou tamana, kae e tuu aifai a nea fuli ofaipe i le kamataaga o le fakatupu o le malama nei.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.