Sofoni 1:10 - Tosi Tapu

¹⁰ I le aso lena, e pati le Eteleno, E i ai loa ni tagi i le matapa o ika, Mo ni tagi laulau i le kolo foou, Ti mo se maumau lasi i mauga liliki.

Sofoni 1:10 ပူးပေါင်းရင်းမြစ်များ

Lua tosi a Samuele 5:7

Kae na too loa e Tavite le kolo tau o Sione : ko le kolo o Tavite.

Lua tosi a Samuele 5:9

Na nofo loa Tavite i le kolo tau, leia na fakaigoa loa e ia ko le kolo o Tavite. Na toe laga foki e ia ni iki kolo tau i le takatakai o le kolo, i le vasa o Milo mo lona nofoaga.

Lua tosi o Sau 22:14

Na ano loa le tagata faisakilifisio ko Ilekisa, mo Asikame, mo Akepole, mo Safani, ti mo Asaia, ki le fafine polofeta ko Ulita, avaga o Salume, le vosa o Tikeva, vosa o Alase, le tagata leoleo o kofu. Na nofo a ia i Selusalemi i leia ake fetuu o le kolo.

Lua tosi o Koloniko 3:1

Na kamata laga loa e Salomone le fale o le Eteleno i Selusalemi, i le mauga o Molisa, leia na fakasa kia Tavite, lona tamana, i le ganea leia na teuteui e Tavite i le sasaaga fulumeto a Alavana, le tagata Sepusi.

Lua tosi o Koloniko 32:22

Koia na saofaki ai loa e le Eteleno a Esekiasi mo le kakai o Selusalemi mei le lima o Sanekelipe, sau o Asilia, ti mo le lima o kakai fuli, ti na puipui loa e ia latou kia latou fuli ala na takatakai ia latou.

Lua tosi o Koloniko 33:14

I le oki o nea ana, na laga loa e ia i tafa o le kolo o Tavite, i le potu uesite, i le fetuu o Kioni, i le vaivailiua, se paa taualuga, leia na ano o kaku ki le matapa o ika, ti na takatakai ia le mauga ; na toe tuku foki e ia ni pule solia ki kolo tau fuli o Suta.

Lua tosi o Koloniko 34:22

Na ano loa Ilekisa mo latou fuli ala na filifili e le sau ki le fafine polofeta ko Uleta, avaga a Salume, vosa o Tokeate, vosa o Aselo le tagata leoleo o kofu taputapu i le fale tapu. Na nofo le fafine i Selusalemi i leia ake fetuu o le kolo. I le oki o lalatou fakasa kiate ia a nea fuli,

Neemia 12:39

ti na motou soko atu loa i aluga o le matapa o Efalaimi, mo le matapa afea, mo le matapa o ika, mo le tule o Ananeele, ti mo le tule o Mea, o kaku ki le matapa o ovi. Ti na motou tutuu loa i le matapa o le pilisoni.

Neemia 3:3

Na lagai e le kakai o Sena le matapa o Ika. Na lotou fau loa a ia o kaku ki le ato, o lotou fakapipiki loa ona kau matapa, mo ona loka, ti mo ona laakau fakamaumau.

Esaia 59:11

E motou tagi fuli ofaipe ni uluso, E motou tagi fakaaloalofa ofaipe ni lupe ; E motou talitali ki se tokoi, kae e leaise kaku mai a ia, Ki le fakamauli, kae e mamao a ia ia matou.

Selemia 39:2

I le fetuu kau agafulu tupu tasi o Setesiasi, i le aso iva o le masina fa, na fai loa se pu i le kolo,

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Esekiele 6:13

Ti e kotou iloa loa ko au ko le Eteleno, Mo ka e lotou tio loa ki olatou mate kua laku i mua o olatou taulaatua, I tafatafa o olatou aletale, I aluga o ganea taualuga fuli, i tumutumu fuli o mauga, I lalo o laakau sesega fuli, i lalo o sene fuli e laulau, I ganea ala na lotou momoli ai ni kaloni manogi Ki olatou taulaatua fuli.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Sofoni 1:15

Ko le aso lena ko se aso o le sausau, Ko se aso o le mamae mo le tuania, Ko se aso o le maveuveu mo le maumau, Ko se aso o le fakapouli mo le pouli, Ko se aso o ao mo kokofu,

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.