Soele 3:17 - Tosi Tapu

¹⁷ Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Soele 3:17 ပူးပေါင်းရင်းမြစ်များ

Sopo 15:19

Na lotou maua tefua le fenua, Ti na leikiaise nofo se matapule ia latou.

Pesalemo 76:2

E iloa le Atua i Suta, E lasi lona suafa i Iselaele.

Pesalemo 9:11

Ko latou ala e iloa ia lou suafa e fanaki kiate koe. Talie e leaise ke tiaki latou ala e afa ia a koe, ei Eteleno !

Ekesote 16:12

Kua kau logo ki gugu a fanau o Iselaele. Pati kia latou : I le afiafi e kotou kai loa se kanoi manu, ti i le usu apogipogi, e kotou makokona loa i se pane ; ti e kotou iloa loa ko au ko le Eteleno, ko lokoutou Atua.

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 4:3

Ti e igoa loa ko maokioki Latou ala na toe i Sione, Ti mo latou ala na toe i Selusalemi, Io, a tagata fuli i Selusalemi e tosi loa i le kau mauuli,

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Selemia 31:23

E folafola le Eteleno o kau tau, le Atua o Iselaele, o pati : Ko leinei foki le tasi a nea e toe masau loa ki ai i le fenua o Suta ti mo ona kolo, Mo ka kau toe aumai loa olatou kau popula : Ke tapuaki le Eteleno kiate koe, nofoaga o le faitotonu, Mauga maokioki !

Selemia 31:40

E fakatapu loa ki le Eteleno le vaivailiua katoa o le kau mate mo le mugalafu, Ti mo faisaga fuli o kaku ki le liua o Setolone, O kaku ki le matapa o osi i le potu esite, Ti e leaise toe taaki loa pe toe maumaui loa latou i se aso.

Esekiele 20:40

Talie e folafola le Aliki, le Eteleno, o pati : I loku mauga maokioki, i le mauga taualuga o Iselaele, e tausi loa au i ai e le fale katoa o Iselaele, mo latou fuli ala e nonofo i le fenua ; ti e kau tali malie loa latou i ai, ti e kau afa loa akoutou moliga, a uluaki fua o okoutou nea alofa, mo nea fuli ala e kotou momoli mai loa kiate au.

Esekiele 37:6

E kau soli loa ni ua kia koutou, ti e kau fakasomo loa ia koutou se kanofi, ti e kau kofu loa koutou ki se kili, ti e kau tuku loa kia koutou se laumalie, ti e kotou mauli loa. Ti e kotou iloa loa ko au ko le Eteleno.

Esekiele 43:12

Ko lena le lao o le fale. I le tumutumu o le mauga, e maokioki loa le ganea katoa leia e tonu ke fakatuu ai a ia. Ko lena le lao o le fale.

Esekiele 44:9

Koia e folafola le Aliki, le Eteleno, o pati : E leaise ulu loa ki loku sagatualio se matapule e tasi, leia e lee silikosisio i lona loto ti e lee silikosisio i lona tino, io, e leaise ulu loa se matapule e tasi ia latou ala e nonofo i loto malie o fanau o Iselaele.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Taniela 11:45

E fakatuu loa e ia ona falela fakasau i le vasa o le tai mo le mauga tapu o le fenua manuia. Ti e kaku loa a ia ki lona fakaoki, kae e leaise tokoi fua se tasi kiate ia.

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Soele 3:21

E kau totogi loa lolatou toto Leia na leaise totogi. Ti e nofo loa le Eteleno i Sione.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.