Soele 2:7 - Tosi Tapu

⁷ E lotou oso ofaipe ni tagata tau, E lotou kava i kaua ofaipe ni tagata tau ; E tasi ano le tagata i lona ala, E leaise toe maliu kese a ia i lona ala.

Soele 2:7 ပူးပေါင်းရင်းမြစ်များ

Lua tosi a Samuele 1:23

Na fealofani Saulo mo Sonatane i lola mauli katoa, Na leaise la mavete foki i lola mamate ; Na la maamaa ake i akuila, ti na la makeke ake i laione.

Lua tosi a Samuele 5:8

Na pati Tavite i le aso lena : Kapau e loto se tagata ke tamate le kau Sepusi, e tonu loa ke pale a ia kia latou i le kanale leia e ulu i le kele, o taai le kau kivi mo le kau kito ala ko fili o Tavite… Koia leia e pati ai : E leaise ulu loa le kivi mo le kito ki le fale o le Eteleno.

Uluaki tosi o Koloniko 12:36

I vosa o Asele, ko le tino fa afe, ko ni tagata popoto i le tau, ti na loto tukupau ki le tau.

Sopo 16:14

Kua oso a ia kiate au ofaipe se tagata tau, o taai au, Ti kua kau lavelavea katoa.

Pesalemo 19:5

E taka lalatou akonaki i le malama nei katoa. E ano lolatou leo o kaku ki potupotu o le malama nei, Leia na fakatuu ai e ia se falela ki le laa.

Taagapati 30:27

Mo seseivaka, ko se kakai sala sau, Leia e mavae fuli i fa solia ;

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !

Soele 2:8

E leaise lotou fetekeaki le tasi ki le tasi, Kae e lotou tasi saele i lona atu ; E lotou oso ki faigataa fuli, E leaise toe fakatuu latou e se nea.

Soele 2:9

E lotou mavetevete i le kolo, Makape i aluga o kaua, Kava ki aluga o fale, Ulu i katupa ofaipe se tagata kaia.