Soele 2:30 - Tosi Tapu

³⁰ E kau fakasa loa ni nea fakamanamana i le lagi mo le kele, Se toto, mo se afi, ti mo ni pou afu.

Soele 2:30 ပူးပေါင်းရင်းမြစ်များ

Senesi 19:28

Na tagaki loa ona mata ki le fetuu o Sotoma mo Komola, ti mo le fenua laumalie katoa ; ti ko leinei, na tio loa a ia e malaga ake i le kele se afu ofaipe se afu o se vela lasi.

Katiko o Katiko 3:6

Ko ai leia e pale mai i le toafa, Ofaipe ni pou afu, I loto malie o ni kokofu o le mila mo le iseso, Ti mo nea fakamanogi fuli a le kau fai koloa ?

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Sakalia 14:6

I le aso lena, e leaise i ai loa se malama ; E i ai loa se momoko lasi mo se aisi.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Luka 21:11

e soko loa ni mafuike lalasi, mo ni oge, ti mo ni taumasaki lalasi, i potu kesekese ; ti e sa loa mei le lagi ni nea fakaii ti mo ni fakamailoga lalasi.

Sosue 8:20

Na tagaki loa a tagata o Ai ki muli, ti na lotou tio loa ki le afi leia kua pale ake i lolatou kolo. Na leaise lotou toe maua ia loa se ganea leia ke lotou sosola ki ai, talie kua maliu ake loa le kakai o Iselaele leia na sola ki le toafa, o tau kia latou.

Apokalipisi 18:18

ti na lotou kalaga loa, i le tio ki le afu o lona vela : Ko le kolo fea na tatau mo le kolo lasi ?

Apokalipisi 18:9

Ti ko sau fuli o le malama nei, ala na fai feauaki mo ia ti na mauli mo ia i le mou koloa lasi, e tagi loa mo lauga loa o tupu ko ia, mo ka lotou tio loa ki le afu o lona vela.

Apokalipisi 8:7

Ko le uluaki aselo na pupusi ia loa lana fakatagi. Ti na to loa ki le kele malo se ua fatu ti mo se afi, kua filo mo le toto ; ti na vela loa le vaega tolu o le kele malo, ti na vela loa le vaega tolu o laakau, ti na vela loa a mutie sesega fuli.

Tuifakamaau 20:38

Na lotou tuku loa se fakamailoga ki tagata o Iselaele, ke lotou tutu loa se afi ke afu ake i aluga o le kolo.

Tuifakamaau 20:40

Kae i le temi tonu lena, na malaga ake loa le afu o le afi leia na tuku ki ai i aluga o Kipea. Na maliu loa a vosa o Pesamino, o tio ki le afu o le afi leia kua malaga ake i lolatou kolo leia kua ulaula katoa.