Soele 2:27 - Tosi Tapu

²⁷ Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Soele 2:27 ပူးပေါင်းရင်းမြစ်များ

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 68:18

Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 45:6

E tupu ke iloa mei le sopoaga o le laa o kaku ki le galoaga o le laa, E leaise tasi ake Atua iate au : Ko au ko le Eteleno, ti e leaise tasi ake.

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Esekiele 37:6

E kau soli loa ni ua kia koutou, ti e kau fakasomo loa ia koutou se kanofi, ti e kau kofu loa koutou ki se kili, ti e kau tuku loa kia koutou se laumalie, ti e kotou mauli loa. Ti e kotou iloa loa ko au ko le Eteleno.

Esekiele 39:22

E iloa loa e le fale o Iselaele ko au ko le Eteleno, lona Atua, Talu mei le aso lena o kaku ki le temi ka au.

Esekiele 39:28

Ti e lotou iloa loa ko au ko le Eteleno, lolatou Atua, Leia na ave ia latou o fakapopula i atu puleaga, Ti e toe fakatasi ia latou i lolatou fenua ; E leaise kau toe tuku loa se tasi ke nofo i atu puleaga,

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Soele 2:26

E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Soele 3:21

E kau totogi loa lolatou toto Leia na leaise totogi. Ti e nofo loa le Eteleno i Sione.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Numelo 11:29

Na tali loa Moisese kiate ia : Pe ke finenonofo o tupu ko au ? E fakaamu ake ke liliu le kakai fuli o le Eteleno ko ni polofeta, ti ke finegalo malie le Eteleno o tuku lona Laumalie kia latou !

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Tetelonome 23:14

Talie e saele le Eteleno, lou Atua, i loto malie o lou nofolaga solia, o puipui a koe mo saofaki a koe mei ou fili. Koia e tonu ai ke mea lou nofolaga solia, ke aua na tio loa le Eteleno ki se nea fakalialia i lou nofolaga ti ke maliu kese loa a ia meiate koe.

Uluaki tosi a Petelo 2:6

Talie e pati i le Tosi : Ko leinei, e kau tuku i Sione se fatu agele, na filifili, mauiga ; Ti ko leia e tui kiate ia e leaise luma loa.

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.