Soele 2:24 - Tosi Tapu

²⁴ E apele loa a sasaaga fulumeto i le fulumeto, Ti e apele loa a tane vino i le vino mo le lolo.

Soele 2:24 ပူးပေါင်းရင်းမြစ်များ

Esekiele 36:8

Kae ko koutou, mauga o Iselaele, e tupu loa okoutou laa o lalasi, Ti e kotou amo loa ni fua ki loku kakai ko Iselaele ; Talie kua vave soko a nea ana.

Soele 3:13

Kotou too le sele tuuti fulumeto, Talie kua matua le taukai fulumeto ! Kotou au, kotou takatakafi, Talie kua apele le tatauaga vite, Kua apele pipi a tane vino ! Talie kua lasi ai lalatou agaveli.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Levitiko 25:19

E soli atu loa e le fenua ona fua kia koutou, ti e kotou kai loa o makokona, ti e kotou nonofo loa i ai i le fimalie.

Levitiko 26:10

E kotou kai loa a taukai afea ti e kotou too loa latou o tupu ke maua ni ganea ala ke tanaki ai a taukai foou.

Amosi 9:13

Ko leinei, e soko mai loa a aso, e pati le Eteleno, Ala e ano loa le tagata fakamaluu kele i muli o leia e tuuti ia le fulumeto, Ti ko leia e tatau ia le fuai vite, i muli o leia e muluki ia le pulapula, Ala e sali loa le vino foou mei mauga ofaipe ni tafe, Ti e sali loa a ia mei mauga liliki fuli.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.