Soele 2:23 - Tosi Tapu

²³ Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Soele 2:23 ပူးပေါင်းရင်းမြစ်များ

Uluaki tosi o Sau 8:36

ke ke tali loa latou mei le atu lagi, ke ke fakamolemole loa le agasala o au tagata fakasausau ti mo lou kakai ko Iselaele, leia e ke ako loa ki ai le ala malie leia e tonu ke lotou saele ai, ti ke ke kakau mai loa le ua ki le kele leia na ke tuku ke maua tofiga e lou kakai !

Sopo 33:23

Kae kapau e maua loa e ia se aselo ulufaga i ona tafa, Se tasi o tino afe Ala e fakasa ia ki le tagata le ala leia e tonu ke muli ai,

Sopo 37:13

E fakasoko e le Atua lona finegalo ki le malama nei, O tautea, pe fakasa lona alofa.

Pesalemo 104:34

Ke logo malie aku masau kiate ia ! E kau loto ke kau fiafia i le Eteleno.

Pesalemo 147:8

E kofu e ia le lagi ki ao ; E teuteu e ia le ua ki le kele ; E fakasosomo e ia le vao i aluga o mauga.

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 28:7

Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 32:11

Kau agatonu ! ke kotou fiafia i le Eteleno ti ke kotou nekenekea ! Ke kotou fai ni kalaga fakafiafia, koutou fuli ala e loto sako !

Pesalemo 84:6

Manuia latou ala e tuku lalatou fanaki kiate koe ! E lotou maua i olatou loto ni ala kua tofa.

Taagapati 16:15

Ko le mata katakata o le sau e soli ia le mauli, Ti e fai lona alofa pe se ua o le temi fakatutupu.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 5:24

E leaise lotou pati i olatou loto : Ke tou i ki le Eteleno, lotatou Atua, Leia e soli ia le ua i lona temi Le ua i mua mo le ua i muli, Ti e taupau ia kia tatou a vasaa ke tuuti ai le fulumeto.

Tagi laulau a Selemia 4:2

Oiau, ko tama aliki o Sione, Ala na mauiga ofaipe le aulo mea, Kua tioi latou ofaipe ni ipu kele, Gaoiaga o lima o tagata faiipu !

Esekiele 34:26

E kau fakaliliu loa latou mo potu ala e takatakai ia loku mauga taputapu ko se tapuakina ; ti e kau fakato loa le ua i lona temi totonu, ti ko se ua loa a ia o le tapuakina.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Levitiko 26:4

E kau kakau mai loa kia koutou ni ua i olatou temi, ti e soli loa e le kele ona magiti, ti e soli loa e laakau fua o faisaga olatou fua.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Sakalia 10:1

Kotou kole ki le Eteleno le ua, le ua o le temi mafana ! E fakatupu loa e le Eteleno ni uila, Ti e tuku atu loa e ia kia koutou se ua lasi. E soli loa e ia ki le tagata taki toka tasi ni mouku i lana faisaga.

Sakalia 10:7

E fai loa Efalaimi pe se tagata toa ; E maua loa e lolatou loto le fiafia leia e tuku e le vino ; E tio loa ki ai olatou vosa ti e lotou fiafia lasi loa, E fakavikiviki loa olatou loto ki le Eteleno.

Sakalia 9:13

Talie e kau fakamakona loa a Suta ofaipe se kalolo, E kau fai loa ki Efalaimi laku gasau, Ti e kau lagai loa au fanau, ei Sione, Ki au fanau, ei Savani ! E kau fakaliliu loa a koe ofaipe le seleta a se tagata toa.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Gaoi 14:17

kae na leaise toe tuku lana fakamaoki kiate ia i ana nea malilie, o soli kia koutou a ua mei le lagi, mo temi mou, ti mo fakapelepelei koutou ki nea kai mo le fiafia.

Tetelonome 11:14

ti e kau tuku loa ki lokoutou fenua le ua i lona temi, i le temi mafana mo le temi mokomoko, o tupu ke kotou maua ni fuata malilie o le fulumeto, mo le vino foou, mo le lolo.

Tetelonome 28:12

E fakamavaa loa e le Eteleno lona koloa malie, le lagi, ke to kiate koe le ua i lona temi, ti ke manuia le gaoi katoa o ou lima : E ke soli maua loa ki ni puleaga mauke kae e leaise ke too maua loa.

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.