Soele 2:19 - Tosi Tapu

¹⁹ E tali le Eteleno, ti e pati a ia ki lona kakai : Ko leinei, e kau soli atu loa kia koutou se fulumeto, Mo se vino, mo se lolo, Ti e kotou makona loa ; Ti e leaise kau toe tuku loa koutou ki le luma i lotolotoga o atu puleaga.

Soele 2:19 ပူးပေါင်းရင်းမြစ်များ

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Esekiele 34:29

E kau fakatuu loa kia latou se faisaga laakau leia e logologona loa ; ti e leaise toe pakupaku loa aku ovi i le fenua, ti e leaise lotou toe amo loa le luma o puleaga.

Esekiele 36:15

E leaise ke toe logo loa ki lauveli a atu puleaga, Ti e leaise ke toe amo loa le luma o atu puleaga ; E leaise ke toe maumaui loa lou puleaga, e pati le Aliki, le Eteleno.

Esekiele 36:29

E kau saofaki loa koutou i okoutou kelekele fuli. E kau fakamauli loa le fulumeto kia koutou, ti e kotou maua loa ni taukai lalasi ; ti e leaise kau toe aumai loa kia koutou le oge.

Esekiele 36:30

E kau liuliuga loa a fua o laakau mo fua o faisaga, o tupu ke aua na kotou toe maua loa le luma o le oge i mua o atu puleaga.

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Oseo 2:21

E kau liliu loa ko lou avaga o lee gato ; io, e kau liliu loa ko lou avaga i le faitotonu, mo le maoki, ti mo le kalasia, ti mo le manava alofa ;

Oseo 2:22

E kau liliu loa ko lou avaga i le agatonu, ti e ke iloa loa le Eteleno.

Soele 1:10

Kua maumau a faisaga, Kua tagi le kele ; Talie kua maumau le fulumeto, Kua masa le vino, kua malo le lolo.

Soele 2:24

E apele loa a sasaaga fulumeto i le fulumeto, Ti e apele loa a tane vino i le vino mo le lolo.

Levitiko 26:5

E leikiaise oki loa lakoutou sasa ia le fulumeto kae kua kotou tau loa le vite, ti e kaku loa le tatao o le vino ki le muluki o fakaili. E kotou kai loa lakoutou pane o makona ti e kotou nofo loa i lokoutou fenua i le fimalie.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Tetelonome 11:14

ti e kau tuku loa ki lokoutou fenua le ua i lona temi, i le temi mafana mo le temi mokomoko, o tupu ke kotou maua ni fuata malilie o le fulumeto, mo le vino foou, mo le lolo.

Lute 1:6

Ti na tuu ake loa Naomi, a ia mo ona fugao, ke lotou mavae i le fenua o Moape, talie na logo loa a ia i le fenua o Moape kua asiasi le Eteleno ki lona kakai ti kua soli e ia se pane kiate ia.