Soele 2:12 - Tosi Tapu

¹² I le aso nei foki, e pati le Eteleno, Kotou toe liliu mai kiate au i lokoutou loto katoa, Mo ni sesunio, mo ni tagi, ti mo ni tagi laulau !

Soele 2:12 ပူးပေါင်းရင်းမြစ်များ

Lua tosi a Samuele 24:10

Na logoi loa e Tavite le ta o lona mafu i le oki o le lau o le kakai. Ti na pati loa a ia ki le Eteleno : Kua kau fai se agasala lasi i le nea leinei kua fai ! Ti ko leinei, ei Eteleno, ke ke alofa o fakamolemole le agasala a lau tagata fakasausau, talie kua kau fai se nea fakavale !

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Lua tosi o Koloniko 6:27

ke ke tali latou mei lagi, ke ke fakamolemole le agasala o au tagata fakasausau mo lou kakai ko Iselaele, leia e ke ako loa ki ai le ala totonu leia e tonu ke lotou saele ai, ti ke ke fakato le ua ki le kele leia na ke soli ko le tofiga o lou kakai !

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Ekesote 33:5

Ti na pati loa le Eteleno kia Moisese : Pati ki fanau a Iselaele : Ko se kakai ua fefeka koutou ; kapau e kau ano i se ga temi ikiiki fua i loto malie o koutou, e kau fakapuli loa koutou. Koia ke kotou tatala ai okoutou nea fakateuteu, ti e kau tio loa pe kolea le nea leia e kau fai loa kia koutou.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Esaia 58:4

Ko leinei, e kotou sesunio ke visi, ke fefele, Ke ta fakamakeke okoutou kaito ; E leaise kotou sesunio ofai ki le uiga totonu o le aso lena, Ke logo lokoutou leo ki aluga.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Oseo 12:7

Ti ko koe, toe liliu mai ki lou Atua ; Taupau le alofa ki le Atua mo le faitotonu, Ti fanaki tuumau ki lou Atua.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Sakalia 7:3

mo vesili ki le kau tagata faisakilifisio o le fale o le Eteleno o kau tau, ti mo le kau polofeta : Pe tonu ke kau tagi mo sesunio i le masina lima, ofaipe le nea leia na kau fai i ni fetuu mauke ?

Sakalia 7:5

Pati ki le kakai katoa o le fenua ti mo le kau tagata faisakilifisio : I lakoutou sesunio mo fetagisi i le masina lima mo le masina fitu, talu mei fetuu e kau fitu, pe na kotou sesunio kiate au ?

Malakia 1:9

Kotou faikole ki le Atua i le temi nei, ke alofa atu a ia kia koutou ! Se ko koutou ala e au mei ai le nea lena : Pe tali malie loa e ia koutou ? E pati le Eteleno o kau tau.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Tuifakamaau 2:4

I le oki o le fakasa e le aselo o le Eteleno le folafola lena ki fanau fuli a Iselaele, na fetagisi fuli loa le kakai.

Tuifakamaau 20:26

Na pale loa a fanau fuli o Iselaele mo le kakai katoa ki Petele. Ti na lotou fetagisi loa ti na lotou nonofo loa i ai i mua o le Eteleno, ti na lotou sesunio loa i le aso lena o kaku ki le afiafi, ti na lotou momoli loa ki le Eteleno ni failaulau mo ni sakilifisio fakafetai.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.

Uluaki tosi a Samuele 7:6

Na lotou asu loa se vai o liligi i mua o le Eteleno, ti na lotou sesunio loa i le aso lena, o pati : Kua motou agasala ki le Eteleno ! Na fakamaaui loa e Samuele a fanau a Iselaele i Misipa.