Soele 2:10 - Tosi Tapu

¹⁰ I olatou mua e lulu le kele, E galulu le atu lagi, E fakapouli le laa mo le masina, Ti e puli le gigila o fetuu.

Soele 2:10 ပူးပေါင်းရင်းမြစ်များ

Pesalemo 114:7

Ei malama nei, ke ke lulu i mua o le Aliki, I mua o le Atua o Sakopo,

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Esaia 34:4

Kua vela o okioki le kau solia katoa o le atu lagi ; Kua takai le lagi ofaipe se tosi, Ti kua vilo lona kau solia katoa Ofaipe le vilo o le lau vite, Ofaipe le vilo o le lau fiki.

Esaia 5:30

I le aso lena, e i ai loa se gugulu i ona tafa, Ofaipe le gugulu o le afa i le tai ; Ka tio ki le fenua, e tio loa ki le fakapouli ata, Mo ni tuania ti mo ni amanaki malie o faifai lakaga ; Ti e fakapouli loa le lagi.

Selemia 4:23

E kau tio ki le malama nei, ti ko leinei, kua maveuveu a ia mo lavaki, Ki atu lagi, ti kua puli lolatou malama.

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Mateo 27:51

Ti ko leinei, na masae loa le kie o le fale tapu mei aluga ki lalo, ti na galulu loa le kele, ti na mafaafaa loa a utu,

Gaoi 2:20

E fakapouli loa le laa, Ti e toto loa le masina, Imua o le soko o le aso o le Aliki, Ole Aso lasi lena ti mo fakakololia.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 6:12

Ti na kau tio loa, i lana fakamavaa le ono fakamau ; ti na to loa se mafuike lasi, ti na liliu loa le laa o uli ofaipe se taga fului osi, ti na liliu loa le masina katoa o kula ofaipe le toto,

Apokalipisi 8:12

Ko le fa aselo na pupusi ia loa lana fakatagi pupusi. Ti na taai loa le vaega tolu o le laa, mo le vaega tolu o le masina, ti mo le vaega tolu o fetuu, o tupu ke puli ai le vaega tolu o lolatou malama ; ti na puli loa le vaega tolu o le malama o le ao, ti na toe fenaaki foki mo le pouli.

Apokalipisi 9:2

ti na fakamavaa loa e ia le sosoni o le vanu. Ti na pale ake loa mei le sosoni se afu, ofaipe le afu o se gutuumu kaka ; ti na fakapouli loa le laa mo le aele i le afu o le sosoni.