Soele 1:15 - Tosi Tapu

¹⁵ Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Soele 1:15 ပူးပေါင်းရင်းမြစ်များ

Pesalemo 37:13

E kata le Eteleno ki le tagata agaveli, Talie e tio a ia kua soko mai lona aso.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Esekiele 30:3

Talie kua ofi mai le aso, kua ofi mai le aso o le Eteleno, Aso fakapouli : Ko le aso loa lena o atu puleaga.

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Soele 3:14

Ko se kakai toka api, ko se kakai toka api, I le vaivailiua o le fakamaau. Talie kua ofi le aso o le Eteleno, I le vaivailiua o le fakamaau.

Apetiasi 1:15

Talie kua ofi mai le aso o le Eteleno, ki atu puleaga fuli ; E fai loa kiate koe o mulimuli ki le nea leia na ke fai. E vilo loa au gaoi ki lou ulu.

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Sakopo 5:9

Fetaina, aua na kotou felaugaaki a la ki la, talie ke aua na fakamaaui koutou e le Atua ; ko leinei, kua tuu le tui fakamaau i le matapa.

Apokalipisi 6:17

talie kua soko le aso lasi o lona sausau, ti ko ai e mafai ke tuu ?