Soele 1:14 - Tosi Tapu

¹⁴ Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Soele 1:14 ပူးပေါင်းရင်းမြစ်များ

Lua tosi o Sau 10:20

Na pati loa a Seu : Kotou logologo se aso lasi kia Paale. Na lotou fakatuutuu loa se aso lasi.

Lua tosi o Koloniko 20:13

Na tuu Suta katoa i mua o le Eteleno, mo olatou makopuna fuli, mo olatou avaga mo olatou vosa.

Neemia 8:18

Na lau loa i le tosi o le lao a le Atua i aso fuli, mei le uluaki aso o kaku ki le aso fakaoki o le fakatasi. Na fai loa le fakatasi i lolotoga o aso e fitu, ti na fai loa se fakatasi mamalu i le aso fakaoki, o mulimuli ki lona lekula.

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Selemia 14:2

Kua putu a Suta, Kua maumau ona kolo, Kua mata mamae a ia, Kua tonatona a ia ki le kele, Kua pale a tagi a Selusalemi o kaku ki le lagi.

Selemia 36:9

I le fetuu lima o le sau o Sosakimi, vosa o Sosiasi, sau o Suta, i le masina iva, na fakatotonu loa se sesunio i mua o le Eteleno ki le kakai katoa o Selusalemi mo le kakai katoa leia na au mei kolo o Suta ki Selusalemi.

Soele 1:2

Kau matua, kotou fakalogo mai ki le nea leinei ! Kotou fakalogo mai okoutou taliga, koutou fuli, ko kakai o le fenua ! Pe kua soko se nea feneeki i lokoutou temi, Pe ko le temi o okoutou tamana ?

Levitiko 23:36

I aso e fitu, e kotou momoli loa ki le Eteleno ni sakilifisio tutu e le afi. I le valu o aso, e kotou fai loa se fakatasi tapu, ti e kotou momoli loa ki le Eteleno ni sakilifisio tutu e le afi ; ko se fakatasi tapu loa a ia : aua na kotou fai loa se gaoi masani.

Sonasi 3:5

Ti na tui loa le kakai o Ninive ki le Atua, ti na lotou fakasa loa se sesunio, ti na lotou kofu loa ni taga, mei le kau lalasi o kaku kia latou ala e liliki oki.

Sonasi 3:8

Ke kofu e tagata mo manu ni taga, ti ke lotou tagi ki le Atua i lolatou makeke katoa, ti ke lotou tafoki fuli mei olatou ala veveli mo alatou gaoi fakamakeke ala na agasala ai olatou lima !

Sofoni 2:1

Kotou ulu kia koutou totonu, kotou fakakaukau mua, Puleaga sala luma,