Soele 1:13 - Tosi Tapu

¹³ Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:13 ပူးပေါင်းရင်းမြစ်များ

Lua tosi a Samuele 12:16

Na kole loa e Tavite ki le Atua ti mo sesunio o uiga mo le fanau ; ti ka ulu loa a ia ki lona fale, na moe loa a ia i le kele, i le po katoa.

Uluaki tosi o Sau 21:27

I le oki o le logo a Akapo ki folafola a Elia, na sae loa e ia ona kofu, kae na tui loa e ia se taga ki lona tino, ti na sesunio loa a ia : na moe a ia mo le taga lena, ti na saele tolotolo fua a ia.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Esekiele 21:12

Ti kapau e lotou pati atu kiate koe : Kolea e ke tagi ai ? E ke tali loa kia latou : Talie kua kaku mai se logo… E fatifati loa a loto fuli, E mamate noa loa a lima fuli, E gaegae loa a laumalie fuli, E malu loa a tuli fuli ofaipe le vai… Ko leinei, kua au a ia, ti ka soko loa a ia ! E pati le Aliki, le Eteleno.

Esekiele 27:31

E lotou tele loa olatou ulu o tupu ko koe, E lotou tui loa ni taga, Ti e lotou fetagisi loa kiate koe, O tupu ko le mamae o olatou loto Mo lolatou alofa lasi kiate koe.

Esekiele 7:18

Kua lotou tui ni taga, Ti kua kofu latou e le i ; Kua luma a mata fuli, Kua tele a ulu fuli.

Oseo 9:5

Kolea e kotou fai loa i aso fakaalialiki, I aso lalasi o le Eteleno ?

Soele 2:12

I le aso nei foki, e pati le Eteleno, Kotou toe liliu mai kiate au i lokoutou loto katoa, Mo ni sesunio, mo ni tagi, ti mo ni tagi laulau !

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Numelo 28:14

Ko lipasio ko liti vino e tolu ki le pipi tagata e tasi, mo liti vino e lua ki le ovi tagata e tasi, ti mo le liti vino e tasi mo le vaelua ki le akeno e tasi. Ko le failaulau a ia o le kamataaga o le masina, ki le masina taki tasi i masina fuli o le fetuu.

Numelo 28:4

E ke momoli loa le tasi akeno i le usu, ti ko le tasi akeno i le afiafi,

Numelo 28:7

Ko lona lipasio (moliga nea inu) ko se liti vino e tasi mo se vaelua ki le akeno taki tasi : e ke fai loa le lipasio ki le Eteleno i le sagatualio.

Numelo 29:6

E kotou momoli loa a sakilifisio ana, o fakalasi ai le failaulau mo le moliga o le masina taki tasi, mo le failaulau o le aso taki tasi mo lona moliga nea kai, mo lona lipasio ala e pipiki kia latou. Ko ni sakilifisio tutu latou e le afi, ko se nea manogi a ia ki le Eteleno.

Uluaki tosi ki le kau Kolinto 4:1

Koia, ke tio mai kia maua ofaipe ni tagata fakasausau a Kilisito, ti mo ni tagata tausi o misitelio o le Atua.

Uluaki tosi ki le kau Kolinto 9:13

Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 6:4

Kae e ma faiga ke ma malie kia koutou i nea fuli, ofaipe ni tagata fakasausau a le Atua, i se kataki fualoa i mamae, i mativa, i tutamaki,

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.