Soane 9:39 - Tosi Tapu

³⁹ Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Soane 9:39 ပူးပေါင်းရင်းမြစ်များ

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 44:18

E leaise lotou maua se atamai, e leaise lotou matala fua ki se nea, Talie na tapono olatou mata ke aua na lotou tio, Ti mo olatou loto ke aua na lotou matala.

Esaia 6:9

Ti na pati loa a ia : Ano, o pati ki le kakai leinei : E kotou logo maoki loa, kae e leaise kotou matala loa fua ; E kotou tio maoki loa, kae e leaise kotou malama loa fua.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 6:23

kae kapau e veli lou fa mata, e fakapouli loa lou tino katoa. Kapau loa ko le malama leia e maua iate koe e fakapouli, e feaki loa le lasi o le fakapouli lena !

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Luka 13:30

Ti ko leinei, e i ai loa ni mulimuli e liliu loa ko ni muamua, ti mo ni muamua e liliu loa ko ni mulimuli.

Luka 2:34

Na tapuaki loa Simeone kia latou, o pati kia Malia, lona tinana : Ke ke iloa, kua fakatuu le fanau leinei ke tukia ai ti ke toe lagai ai se toka api i Iselaele, ti ke liliu a ia ko se fakamailoga ki ai,

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Luka 7:21

I le ola fai lena, na fakamauli loa e Sesu ni kakai toka api i olatou masaki, mo olatou maimoa, ti na kapu loa e ia ni laumalie veli, ti na fakatio loa e ia ni kivi toka api.

Soane 12:31

Ko leinei le ola leia e fakamaaui ai le malama nei ; ko leinei le ola leia e ti ai loa le pule o le malama nei ki fafo.

Soane 12:46

Na kau au ofaipe se malama ki le malama nei, o tupu ke aua na nofo i le fakapouli leia e tui mai kiate au.

Soane 3:17

Talie na leaise kakau mai e le Atua lona Alo ki le malama nei ke fakamaaui e ia le malama nei, kae ke mauli le malama nei iate ia.

Soane 3:19

Ti ko leinei le fakamaau lena, na au le malama ki le malama nei, kae na filifili e tagata le fakapouli i le malama, talie na veveli alatou gaoi.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Soane 8:15

E kotou fakamaaui o mulimuli ki le kanofi, ko au, e leaise kau fakamaaui fua se tasi.

Soane 9:25

Na tali loa a ia : Kapau ko se tagata agasala a ia, e leaise kau lave ; e kau iloa le nea e tasi, na kau kivi ti kua kau tio i le lakaga nei.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Lua tosi ki le kau Tesalonika 2:10

ti mo kaka fuli o le agasala kia latou ala e mamate, o tupu na leaise lotou tali le alofa ki le maoki, ke fakamauli ai latou.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Soane 2:11

Kae ko leia e vesia ki lona taina, e nofo a ia i le fakapouli, e saele a ia i le fakapouli, ti e leaise iloa e ia le ganea leia e ano a ia ki ai, talie na fakakivi ona mata e le fakapouli.