Soane 9:35 - Tosi Tapu

³⁵ Na logo loa Sesu na lotou kapu a ia ; ti e i lana felavei mo ia, na pati loa a ia kiate ia : Pe ke tui ki le Vosa o le Atua ?

Soane 9:35 ပူးပေါင်းရင်းမြစ်များ

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Pesalemo 27:10

Talie e tiaki au e loku tinana mo loku tamana, Kae e too loa au e le Eteleno.

Mateo 14:33

Ko latou ala na nonofo i le vaka na au loa o su kia Sesu, o pati : Ko le Alo maoki a koe o le Atua.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Mateo 4:3

Na fakafeofi ake loa le fakasala, o pati kiate ia : Kapau ko le Alo a koe o le Atua, fakatotonu ke liliu a fatu ana ko ni pane.

Maleko 1:1

Kamataaga o le Evaselio o Sesu-Kilisito, Alo o le Atua.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 1:34

Ti na kau tio, ti na kau fakamaoki ko le Alo a ia o le Atua.

Soane 10:36

ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua.

Soane 11:27

Na pati loa a ia kiate ia : Io, Aliki, e kau tui ko le Kilisito a koe, ko le Alo o le Atua, leia na tonu ke au ki le malama nei.

Soane 20:28

Na tali loa Tomasi kiate ia : Ei loku Aliki mo loku Atua ! Na pati loa Sesu kiate ia :

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 5:14

Talu mei ai, na toe maua loa a ia e Sesu i le fale tapu, ti na pati loa a ia kiate ia : Ko leinei kua ke mauli ; aua na ke toe agasala, talie na soko loa kiate koe se nea leia e toe veli oki ake.

Soane 6:69

Ti kua motou tui, ti kua motou iloa ko le Kilisito a koe, ko le Sagato o le Atua.

Soane 9:22

Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Soane 9:34

Na lotou tali loa kiate ia : Na ke tupu katoa i le agasala, ti e ke ako ia matou ! Ti na lotou kapu loa a ia.

Gaoi 8:36

I le soko atu o lola fanoga, na la felavei loa mo se vai. Ti na pati loa le enuke : Ko leinei se vai, kolea ka taofi ia loku papitema ?

Gaoi 8:37

Ti na pati loa Filipo : Kapau e ke tui i lou loto katoa, e feala le nea lena. Ti na tali loa le enuke : E kau tui ko Sesu-Kilisito ko le Alo o le Atua.

Gaoi 9:20

Ti na kamata aifai e ia le fakasa i sinakoka ko Sesu ko le Alo o le Atua.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Loma 10:20

Ti na toa Esaia, o fakasa : Kua maua au e latou ala na leaise afa ia au, Kua fakasa au kia latou ala na leaise vesili kiate au.

Uluaki tosi a Soane 4:15

Ko leia e fakasa ia loa i le kaugamalie ko Sesu ko le Alo a ia o le Atua, e nofo le Atua iate ia, ti e nofo a ia i le Atua.

Uluaki tosi a Soane 5:10

Ko leia e tui ki le Alo o le Atua, e maua e ia le fakamaoki lena iate ia totonu ; ko leia e leaise tui ki le Atua, e fakagutuloiloi e ia le Atua, talie e leaise tui a ia ki le fakamaoki a le Atua ki lona Alo.

Uluaki tosi a Soane 5:13

Na kau tosi atu kia koutou a nea ana, o tupu ke kotou iloa e kotou maua le mauli lee gato, e koutou ala e tui ki le suafa o le Alo o le Atua.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Uluaki tosi a Soane 5:5

Ko ai e malo i le malama nei ? ko leia e tui ko Sesu ko le Alo o le Atua.

Tolu tosi a Soane 1:10

Koia, kapau e kau natu, e kau fakamanatu loa le veli katoa leia e fai e ia, a masau veveli mo loi ala e lau e ia kia matou. Kae e leaise feauga le nea lena kiate ia, e leaise fakatalitali e ia fetaina, ti e taofi e ia latou ala e loto ki ai, o kapu latou mei le Ekelesia.